د میدان وردګ ولایت د ولایتي شورا مسوولان او اوسېدونکي وايي، طالبانو د دغه ولایت په جلرېز ولسوالي کې هغه درې کسان تښتولي چې د کورونا ویروس د مخنیوي په اړه یې خلکو ته عامه پوهاوی ورکاوه. دا پېښه د پنجشنبې په ورځ شوې ده.
د میدان وردګ ولایت د ولایتي شورا مسوولان او اوسېدونکي وايي، یاد کسان هغه مهال تښتول شوي چې د دغه ولایت په جلرېز ولسوالي کې یې خلکو ته د کورونا ویروس د خپرېدو مخنیوي په اړه عامه پوهاوی ورکاوه.
د میدان وردګ ولایت د ولایتي شورا مرستیال شریفالله هوتک له طالب ډلې غواړي چې یاد روغتیايي کارکوونکی خوشې کړي، څو خلکو ته د کورونا ویروس د مخنیوي په اړه خلکو ته عامه پوهاوی ورکړي.
د میدان وردګ محلي او امنیتي مسوولانو تر اوسه د دغه خبر په اړه په رسمي ډول څه نه دي ویلي.
طالبانو هم تر اوسه په دې اړه څه نه دي ویلي.
دا په داسې حال کې ده چې د طالب ډلې ویاند ذبېحالله مجاهد تېره اوونۍ ویلي و، که د کورونا ویروس د دې ډلې تر واک لاندې سیمو کې خپور شي، تیار دي چې هلته جګړه ودروي، څو روغتیايي موسسې پهکې خلکو ته خپل خدمتونه او مرستې ورسوي.
