بوگون «دوشنبه» افغانستان مرکزی بانک باشلیغی خلیل‌الله صدیق، چیت‌ایللیک پوللر برابریده افغانی پول بهاسی تکرارسیز شکلده کمه‌یگنی توغریسیده جواب بیریش اوچون نماینده‌لر کینگشی‌گه چقیریلدی.
جناب صدیق‌نینگ ایتیشیچه، مملکت‌‌ده دوام ایتیب کیله‌یاتگن سیاسی و امنیتی وضعیت باعث، صادرات و واردات آره‌سیده‌گی تینگ‌لیک برهم اوریلگن و بو موضوع افغانی پول بهاسی کمه‌ییشی گه سبب بولگن.
مرکزی بانک باشلیغی‌نینگ ایتیشیچه، چیت‌ایللیک پوللر اینیقسه دالر بهاسی یوقاری کیتیشی‌گه، دالر قوشنی مملکتلرگه قاچاق بولیشی سبب بولگن. اونگه کوره، کونده‌لیک اسلام‌قلعه بندری آرقه‌لی کمیده یوز موتر تیکشیرلمس‌دن مشهد کیته‌دی و اولرنینگ کوپینچه‌سی دالر قاچاق قیله‌دی.
نماینده‌لر کینگشی‌نینگ مهم سوراقلریدن بیری، مرکزی بانک نیمه وچون گه بازارده افغانی پول بهاسی کمه‌ییشی آلدی آلینیشی اوچون یالغیز 3 یا-ده 4 صراف‌گه دالر ساته‌دی؟
بیراق، جناب صدیق بو خبرنی رد قیلیب ایتیشیچه، دالرنینگ کیم آچتی سوداسیگه کمیده 30-40 شرکت اشتراک قیله‌دی.
ییغین اداغیده، نماینده‌لر کینگشی اقتصادی کمیسیونی اورین باسری منورشاه بهادری‌نینگ ایتیشیچه، دولت ایشلاوچیلریدن بیرقطاری، دالر بهاسی یوقاری کیتگنی باعث، ییگولیک ماده بهاسی کوتریلگنیدن شکایت قیله‌دیلر و بو وضعیت آلدی آلینیشی کیره‌ک.
