د ښوونځیو زدهکوونکي او د هغوی کورنۍ په ښوونځیو کې د کتابونو او لوستتوکیو له نهشتوالي شکایت کوي. دوی وايي، خپلو اولادونو ته زیاتره کتابونه له بازاره اخلي.
دغه کورنۍ زیاتوي، د قانون پربنسټ په ښوونځیو کې زدهکړې د ټولو لهپاره وړیا دي، خو دوی د ناسم اقتصادي حالت سره ـ سره اړ دي د زدهکوونکیو اړتیاوې له بازاره پوره کړي.
د یو زدهکوونکي پلار حمیدالله وايي، نه پوهېږي د هېواد په ښوونیز بهیر کې څه روان دي، د دې پرځای چې په ښوونځیو کې زدهکوونکیو ته کتابونه ورکړل شي؛ بازار ته عرضه کېږي.
د کابل جویشیر کې د یو کتابپلورځي مسوول نعمتالله سلاموطندار سره په خبرو کې دا ادعا تاییدوي او وايي، هره ورځ د ښوونځیو له ۲۰ تر ۵۰۰ ټوکو درسي کتابونه خرڅوي.
د پوهنې ریاست د خپرونو رییس کبیر حقمل وایي، هغه مهال چې د وزارت کارکوونکي د دې کتابونو په خپرولو او چاپولو کې لاس ونهلري، د نورو لهپاره د دې کتابونو خپرول ازاد دي.
د پوهنې وزارت د مسوولانو په وینا، د ښوونځیو له ۴۹ میلیونو جلدو نه ډېر کتابونه تر چاپ لاندې دي چې د هغو په خپرولو سره به د زدهکوونکیو ډېرې ستونزې حل شي.
