قندهار ساغلیق‌نی سقلش اداره‌سی‌نینگ اورین باسری داکتر احمدالله فیضی، شورابک و ریگستان ولسوال‌لیک‌لری‌نینگ اهالیسی نابرقرارلیک‌لر سبب صحی خذمت‌لر دن بهرهسیز ایکن‌لیک‌لرینی ایتگن.
سلام‌وطندار بیلن صحبت اوتکزگن جناب فیضی‌گه کروه، نابرقرارلیک‌لر سبب ولایت ساغلیق‌نی سقلش اداره‌سی اهالی‌گه صحی خذمت‌لر کورسه‌تیش اوچون آلیب بارگن سعی و حرکت‌لری نتیجه بیرمه‌گن. « بیز بو ییرده ساغلیق‌نی سقلش مرکزی قوریگن تقدیره، کیم اونی امنیتی‌نی تامین قیلهدی؟»
جناب فیضی‌نینگ سوزلریگه قره‌گنده، موجود نابرقرارلیک‌لرگه قره‌می، بیز ینه هم صحی خذمت‌لرگه ییتیشیش اوچون فعالیت قیله‌میز؛ لیکن، بیزنینگ فعالیتی میز امنیت گه باریب تقیله‌دی. شورابک تومنی‌نینگ یشاووچی‌لریدن بیری محمدغوث‌نینگ حکایه‌سی‌گه کوره، بوتون ولسوال‌لیک بیرته داروخانه ینه شفاکار یوق.
او، اوچ کون یول یوریب تورموش اورتاغی‌نی ولایت مرکزی شفاخانه‌سی‌گه آلیب کیلیش‌گه موفق بولگن. شورابک تومنی اهالی‌سی‌نینگ کته قسمی هنوز هم سنتی دواله‌نیش‌لردن فایده‌لنه دیلردیدی محمد غوث. مریض‌نینگ وضعیتی جوده یامان بولگن پیت‌لرده، پاکستان آلیب کیتیش‌گه مجبور بوله‌میز دیدی شورابک تومنی‌نینگ یشاووچی‌سی.
قندهار ولایتیده انسان حق و حقوقلری کمیسیونی‌نینگ مطبوعات مسوولی عبدالعزیز اکرمی، شورابک و ریگستان تومن‌لری اهالیسی اخیاریگه ییترلی درجه‌ده صحی خذمت‌لر بولمه‌گن‌لیگی نی تصدیق‌لب ایتیشیچه، بو وضعیت دوام ایتگن حالده، کیلجه‌ده اهالی‌نینگ احوالی آغیر بولیشی ممکن.
جناب اکرمی گه‌کوره: «اهالی‌گه صحی خذمت‌لر اوچون شرایط یره‌تیش دولت‌نینگ وظیفه‌سی، اما منطقه نابرقرار بولگنی اوچون بو شرایط یره‌تیلمه‌گن. اوتکزیلگن حسابات‌لرگه کوره، شورابک‌ده 13 مینگ و ریگستان‌ده ایسه 22 مینگ اهالی حیات کیچیره‌دی.
