مملکت ایچکی ایشلر وزیرلیگی نینگ بیر اعلامیه نشر قیلیب ایتیشیچه، شهید هفته‌سیدن نشانلش کمیسیونی قراریگه کوره، اهالی تینچلیگی و نظم عامه‌نی برهم اوریش اوچون هیچ‌کیم‌گه رخصت بیریلمه‌یدی.
جمهور رئیس محمداشرف غنی، نیچه کون آلدین بیر فرمان آرقه‌لی شهید هفته‌سیدن نشانلش کمیسیونی ایجاد قیلگن ایدی. مذکور فرمان‌گه کوره، اوشبو 10 کیشی‌لیک کمیسیون نینگ باشلیغی‌ده ملی مدافعه وزیرلیگی سرپرستی اسدالله خالد قرار تاپگن.
بوگون "دوشنبه" ایچکی ایشلر وزیرلیگی نینگ اعلان قیلیشیچه، شهید هفته‌سیدن نشانلش کاروان‌لریگه دولت واسطه‌لریدن فایده‌لنیش ممنوع دیر و فایده‌لنگن کشی‌لر بیلن قانونگه کوره یول باریله‌دی.
اعلامیه‌ده ایتیلیشیچه، امنیتی کوچلردن باشقه هیچ‌بیر کیشی‌گه حربی یونیفورم دن قول‌لنیش و قورال حمل قیلیش اوچون رخصت بیریلمه‌یدی.
ایچکی ایشلر وزیرلیگی نینگ اعلان قیلیشیچه، قاره شیشه‌لیک، حجت‌سیز، پلیتی بولمه‌گن و ناقانونی موترلر بیلن هیچ‌کیم اوتیب قیته آلمه‌یدی و تخلف قیلگن‌لرنینگ واسطه‌لری ضبط قیلینه‌دی. اعلامیه کوره، واسطه‌لرنینگ رنگی‌نی اوزگرتیریش هم ممنوع دیر.
اعلامیه‌ده کوپه‌یتیریلیشیچه، تخلف قیلگن کیشی‌لرنی قولگه آلینیشی خصوصیده امنیتی کوچلرگه بویروغ بیریلگن.
ایتیلیشیچه، اوشبو قرار مملکت ملی قهرمانی احمدشاه مسعود بنیادی نینگ هماهنگ‌لیگی بیلن آلینگن.
