د پاکستان کرکټ بورډ مشر شهریار خان هم د پاکستانۍ کرکټ ملي لوبډلې وروستۍ تاریخي ماتې په زړه ځای نه شوې.
نوموړي پاکستاني رسنیو سره په خبرو کی منلې ده، چې یواځې پاکستانۍ کرکټ ملي لوبډله نه بلکې د پاکستان کرکټ بورډ ټول سیسټم ناکامه شوی دی.
شهریار خان زیاته کړه، پاکستان په بدترینه توګه ماتې وخوړې او ژمنه یې کړه، چې د بنګله دیش سفر وروسته به د پاکستان کرکټ د بهتر راتلونکي له پاره به اړین بدلونونه راوړي.
دا په داسی حال کی ده، چې پاکستانۍ کرکټ ملي لوبډلې د خپل کرکټ په تاریخ کې د بنګله دیش پر وړاندې بدترینې ماتې وخوړې.
بنګله دیشۍ کرکټ ملي لوبډلې د نوي کپتان اظهر علي په کپتانۍ کې د پاکستانۍ کرکټ ملي لوبډلې خلاف د ۱۶ کلن انتظار وروسته لومړۍ نړېواله یو ورځنۍ سیالۍ وګټله، د پاکستان خلاف یی لومړې د یو ورځنیو لوبو سیریز وګاټه او د پاکستان خلاف یی لومړې (وایټ واش) وکړ.
دغه راز بنګله دیشۍ کرکټ ملي لوبډلې د پاکستانۍ کرکټ ملي لوبډلې او د دې لوبډلې د مینه وال بهانه هم ور ختمه کړه، چې ګواکې په یو ورځنیو سیالیو کې د پاکستان زیاتره ځوان کرکټ لوبغاړي وو او د شاهد افریدي په کپټانۍ کې یې د خپل کرکټ په تاریخ کې د لومړي ځل له پاره پاکستان ته په ډیرې اسانۍ سره ماتې ورکړه او دغه اتلولي یي هم وګټله.
دیادونې وړ ده، چې اوسمهال د دواړو پاکستان او کوربه بنګله دیش کرکټ ملي لوبډلو ترمینځ د ټیسټ لوبو لړۍ سبا پیلیږي، چې په کې پاکستانۍ لوبډله پیاوړې ده او د وروستیو ماتو د غچ اخیستلو په تکل کې ده.
د پاکستان کرکټ بورډ مشر وویل، چې پاکستان په خپل تاریخ کی دغسې لوبې نه وې کړې او یادونه یې وکړه، چې د بنګله دیش سفر پای ته رسیدو سره به دوی د پاکستان کرکټ د ښه والي لپاره په کورني کرکټ ، روزنې ، اداره او دغه راز د لوبغاړو په فیزیکي مهارتونو ډیر کار کول پکار دی.
