سرپل و جوزجان ولایتلریده طالبان نینگ داعش توده‌سیدن بیعت قیلیشی آرتیده تشقی قوللر بار. بو قبیل سوزلرنی تیلگه آلگن سرپل ولایتی ولایت کینگشی نینگ قطار اعضالری، سرپل و جوزجان ولایتلریده چمه‌سی 20 عایله طالبلرنی داعشدن بیعت قیلیشی اوچون فعالیت باشله‌گن لیگینی ایته‌دیلر.
سلام‌وطندار ترماغیگه صحبت بیرگن سرپل ولایتی ولایت کینگشی نینگ باشلیغی محمدنور رحمانی، بو عایله‌لر اوزبیکستان، ترکمنستان، آذربایجان و پاکستان فقراسی ایکن لیگینی تیلگه آلگن. بو خانه‌دانلر عملده بو لایحه‌نی ایلگری آلیب باره‌دی. هنوزگچه کوهستانات و صیاد تومنلریده نیچه گروه طالب داعشدن حمایتینی اعلان قیلگن دیدی او.
شونینگدیک جوزجان، سرپل و فاریاب ولایت نینگ چیگره حدودلریده طاهریولداش نینگ اوغلی ملک طاهراوف نینگ فعالیتلری آشگن‌لیگی حقیده خواطر بیلدیرگن رحمانی.
او، تشقی جنگریلر کوهستانات تومنلریده اولکن مرکزلر آچگن دیدی. دولت مساله اوچون بی فرق قالگن تقدیرده، بو حرکت کیله‌جک‌ده شمالی ولایتلر اوچون کته تهدید بوله‌دی دیگن جناب رحمانی.
طالبان‌نی داعشدن بیعت قیلگن لیگی توغریسیده انیق بیر نرسه تیلگه آلمه‌گن جوزجان ولایتی درزاب تومنی نینگ حاکمی رحمت‌الله حشر، بو حرکت اخیرگی وقتلرده سرپل ولایتی نینگ صیاد، فاریاب ولایتی نینگ گزریوان و بلچراغ شونینگدیک جوزجان نینگ ایسه قوش‌تپه و درزاب تومنلریده زمانوی حربی اوسکونه‌لر بیلن جهازلنگنلر دیدی.
جناب حشر، قوش‌تپه تومنیده طاهر یولداش اوغلی‌گه طرفدار شخصلر فعایتی بارلیگینی اعتراف قیلگن.
عین حالده، سرپل ولایتی والیسی‌نینگ سوزلاووچیسی ذبیح الله امانی، داعش‌گه وفادار جنگریلرنینگ جوزجان و سرپل ولایتلریگه قره‌شلی تومنلرده یاشلرنی عسکرلیککه آلیش‌گه باشله‌گن‌لیگینی تصدیق قیلگن. اما، بو جنگریلر نابود قیلینیشی اوچون حربی تازه‌لش عملیات یولگه قوییلیشی ممکن دیگن.
