افغانستان جمهور رئیسی نینگ بیرینچی اورین باسری جنرال عبدالرشید دوستم، شبرغان شهریده اینگ کته بیر بیلیم یورت قوریلیشی اوچون پولی 15 میلیون دالردن آرتیق تخمین ایتیلگن 40 مینگ متر مربع ییر اختصاص بیرگن.
جناب دوستم نینگ ایتیشیچه، اوشبو بیلیم یورت قوریلگنده شهیدلر و کم‌بغل عایله‌لرنینگ باله‌لری اوچون اوقیش گه زمینه یره‌تیله‌دی. اونگه کوره، بو بیلیم یورت ترکیه مملکتی نینگ همکارلیگی بیلن قوریله‌دی.
جمهور رئیس بیرینچی اورین باسری نینگ کوپه‌یتیریشیچه، طالبان نینگ عایله‌لری هم اوشبو بیلیم یورت ده تحصیل قیله آله‌دی.
عین دمده، جوزجان حاکمی لطف‌الله عزیزی نینگ ایتیشیچه، مذکور بیلیم یورت نینگ قوریلیش ایشی کیله‌جک ییل کوکلم موسومی ده باشلنه‌دی.
اونگه کوره، بو بیلیم یورت مملکت یاشلری اوچون اوقیش گه زمینه یره‌تیلیشی خصوصیده، قوریله‌دی.
