افغانستان شفافیت‌نی کوزه‌توچی اداره کابل بانک قرضدارلریدن بیری آزادلیککه چیقاریلیشی قبول قیلینمدی دیگن مساله دیگن‌لر. اوشبو اداره‌نینگ اجراییه رییسی سیداکرم افضلی‌نینگ بوگون (پنج‌شنبه) کابل‌ده اوتکزگن ییغین‌ده ایتیشیچه، کابل بانک قرضدارلریدن بیری همده بو بانک‌نینگ مدیره رییسی خلیل‌الله فیروزی افغانستان عالی محمکمه‌سی تامانیدن اون بیش ییل آزادلیک‌دن محروم ایتیلیب، قیته حکومت تامانیدن آزاد ایتیلیشی افغانستان حکومتی‌نینگ اداره فسادگه قرشی کوره‌ش اوچون تعهدی بولمه‌گن لیگینی کورسته‌دی.
جناب افضلی قرضی‌نی تولَش بهانه‌سی بیلن آزادلیککه چیقاریلیشی حکومت رهبرلری تامانیدن خلق هزل‌گه آلینشی دیب ایتیشیچه، حکومت فاسد گروه‌لر باسیمی آستیده آلینگن.
افغانستان شفافیت‌نی کوزه‌توچی اداره‌گه کروه، افغانستان جمهور رییسی اشرف‌غنی کابل بانک دوسیه‌سینی آچیش بیلن مملکت خلقی همده دنیا جماعه‌چیلیگی ایشانچی‌نی کسب قیلدی، اما جناب فیروزی آزادلیککه چیقاریلیشی بیلن بو ایشانچ نی قولدن بیردی.
بو اداره‌نینگ اجراییه باشلیغی حکومت رهبرلریدن مجرم همده اهالی آلدیده ایشانچی بولمه‌گن، ملی سرمایه تاراج تلان ایتیلیش اوچون رخصت بیرمسلیگی کیره‌ک. او، شونینگ‌دیک حکومت‌دن معافیت فرهنگی محو ایتیلیشی نی سوره‌گن.
اما جمهور رییس سوزلاووچی‌سی اورین باسری سیدظفر هاشمی‌نینگ ایتیشیچه، جمهور رییس‌لیک سرایی‌نینگ قراریگه هیچ قنده‌ی اوزگریش کیلمه‌گن. شونینگ‌دیک ظفرهاشمی، کابل بانک قرضدارلری هیچ بیر زمان قاچمس لیگینی ایتگن. جناب هاشمی افغانستان جمهور رییسی، حقوقی مصلحتچی‌سی عبدالعلی محمدی، جمهور رییس‌نینگ یخشی حکومتچی‌لیک اوچون مخصوص نماینده‌سی احمدضیا مسعود و مملکت شهر قوریش وزیری سید سعادت منصورینی اهالی سوالی‌گه جواب بیریش اوچون تعین قیلگن.
جمهور رییس، حقوقی مصلحتچی‌سی عبدالعلی محمدی اوتگن کون «هوشمند شهرچه»سی‌نینگ لایحه‌سی آچیلیش ییغینی‌ده، افغانستان جمهور رییسی کابل بانک مدیره هیات رییسی و باشقه قرضدارلرنی قرضلرینی توله‌گن حالده، آزالیککه چیقاره‌دی دیگن مساله‌نی تیل‌گه آلگن ایدی.
هوشمند شهرچه‌سی‌نینگ اصلی سرمایه یاتقیزوچیلریدن بیری خلیل الله فیروزی هم مذکور ییغین‌ده اشتراک قیلگن ایدی. او عاموی اخبارات واسطه‌لری حضوریده خصوصی بولیم‌ده سرمایه یاتقیزیش بیلن تورمه‌دن آزاد ایتیلگن لیگینی تیل‌گه آلگن ایدی.
