شبرغان شهریده ایکی طبیعی گاز قودوغی نینگ افتتاح قیلیش جریانیده کانلر و پترولیم وزیرلیگی سرپرستی نرگس نهان نینگ ایتیشیچه، گاز چیقاریش خصوصیده کوپراق سرمایه یاتقیزیش بیلن گاز تقاضاچی‌لریگه قولایلیک کیلتریش اوچون سعی و حرکت قیله‌دی.
کانلر و پترولیم وزیرلیگی سرپرستی‌گه کوره، اوشبو ایکی گاز قودوغی نینگ قیته‌قوریش ایشی 12 میلیون دالر هزینه کوتارگن و مذکور هزینه دنیا بانکی تامانیدن توللنگن.
جوزجان ولایتیده افغان گاز تصدی‌سی مسوولی محمدایوب نیوند نینگ ایتیشیچه، مذکور افتتاح ایتیلگن گاز قودوق‌لری 24 ساعت جریانیده 240 مینگ مترمکعب گاز چیقاره‌دی.
جناب نیوند نینگ کوپه‌یتیریشیچه، اوشبو قودوقدن چیقاریله‌دیگن گاز شبرغان شهریده بیات گروپ برقی نینگ ایشلب چیقاریلیشی و مزارشریف شهریده بیر شیشه توزه‌تیش شرکت‌گه قوله‌نیله‌دی.
جوزجان ولایتیده 136 گاز قودوغی موجود دیر و اولرنینگ گاز ذخیره‌لری یوز میلیارد مترمکعب تخمین ایتیلگن. حاضرده جوزجان ولایتیده 40 حلقه قودوقدن گاز چیقاریله‌دی.
