افغانستان انسان حقوق‌لری‌نینگ ایرکین کمیسیون باشلیغی سیماسمر، مملکت‌ده یره‌ش تامین ایتیلیشی خلق‌نینگ اساسی احتیاج‌لریدن ایکن‌لیگی‌نی ایتگن. اونگه‌کوره، خلق تورت اون ییل‌دن بیری زوروانلیک و اوروش گواهی دیر.
بوگون چهارشنبه کابل‌ده « افغانستان‌ده انسان حقوق‌لری‌نینگ کیله‌جگی» عنوانی آستی‌ده اوتکزیلگن ییغین‌ده سوزله‌گن خانم‌سمر، افغانستان حکومت برچه تامان‌لرنی جریان‌گه قوییب، تینچ‌لیک مذاکره‌لرینی شفاف طرزده ایلگری آلیب باریشی خصوصی‌ده تاکیدله‌گن.
انسان حقوق‌لری کمیسیون باشلیغی، اهالی تینچ‌لیک مذاکره‌لرینی قوللب قوتلمه‌گن تقدیرده و اونگه شک شبهه بیلن قره‌گن حالده، اونده فقط قضیه‌نینگ بیر تامانی حل بولیب؛ لیکن، باشقه قیین‌چیلیک‌لر اورته‌گه چیقه‌دی دیگن.
خانم سمر، تینچ‌لیک لایحه‌سی اوچون حکومت اهالی‌نینگ ایشانچی‌نی قازانیشی کیره‌ک دیب ایتیشیچه، « افغانستان‌نی یره‌ش اوچون بولگن احتیاجی‌گه شک یوق، اما اوروش نینگ پایانی برقرارلیک اورنه تیلیش معنی‌سیده ایمس».
شونینگ‌دیک خانم سمر، تینچ‌لیک مذاکره‌لرده مملکت‌نینگ یریم نفوسی‌نی تشکیل ایتیووچی عیال‌لرنینگ اشتراکی باره‌سیده تاکیدله‌گن.
باشقه تاماندن، ییغین‌ده حکومت‌نینگ اجراییه ریاستی باشلیغی داکتر عبدالله‌عبدالله نینگ قتنشیب سوزله‌شیچه، حکومت افغانستان یشاووچی‌لری‌نینگ حقی سقله‌نیشی توغریسی‌ده متعهد دیر دیگن. اونگه کوره، اهالی اوچون عدالت و انسان حق و حقوق‌لری تامین ایتیلمس‌دن، افغانستان‌ده یره‌ش تامین قیلینمیدی.
شونینگ‌دیک عبدالله‌عبدالله افغانستان‌لیک‌لرنینگ بیرگن قربان‌لیک‌لری نتیجه‌سیده حاضرگی یوتوق‌لر قول‌گه کیرتیلگن، سیاسی فرصت‌لردن فایده له‌نیب مذکور یوتوق‌لرنی تینچ‌لیک مذاکره‌لری قربانی قیلیش اویقوده کوریلگن بیر خیال دییه تاکیدله‌گن.
عین حالده، حکومت‌نینگ اجراییه باشلیغی، افغانستان خلقی‌نینگ حقوقی هیچ بیر ییر و هیچ بیر زمانده قنده‌ی باسیم شرایطی آستی‌ده بولیشیدن قطع نظر معامله بولمس لیگی‌نی ایتگن.
شوکبی عالی تینچ‌لیک کینگشی‌نینگ کاتب‌لیگی رییسی معصوم استانکزی نینگ سوزلریگه کوره، «اوروش پایانی‌گه ییتمه‌گن حالده، انسان حقوق‌لرینی تامین‌لیش ممکن ایمس».
جناب استانکزی، اقتصادی مافیای، نا قانونی قورا‌ل‌لی شخص‌لر، قانون حاکمیت‌ده بولمه‌گنی و پلانلشتیریلگن زوروانلیک‌لرنی دوام تارتیشی افغانستان‌ده تینچ‌لیک و انسان حق حقوق‌لری معما‌لر بیلن روپه ره بولیش‌گه مجبور ایتگن دیگن.
افغانستان عالی تینچ‌لیک کینگشی کاتب‌لیگی‌نینگ رییسی، جماعه‌نینگ تورلی قتلم‌لری بیلن حکومت رهبرلری نینگ آلیب بارگن مصلحتی نتیجه‌سیده تینچ‌لیک مذاکره‌لرنینگ چهار چوبه‌سی تشکیل ایتیلیب، اونده مذاکره‌نی باشله‌نیشی همده قیزیل چیزیغ انیق‌لنگن لیگی‌نی تیل‌گه آلگن.
شونینگ‌دیک جناب استانکزی، عیال‌لر اوچون مصلحتی بورد ایجاد ایتیلگن لیگی‌نی بیلدیرگن. اوشبو بورد اساسی‌ده تینچ‌لیک مذاکره‌لری‌نینگ نتیجه‌لری باسقیچ‌مه باسقیچ مصلحت‌گه قوییله‌دی.
بوندن نیچه وقت آلدین ملی بیرلیک حکومتی‌نینگ باشلیغی داکترعبدالله عبدالله طالبان حرکتی بیلن دولت اورته‌سیده تیزلیک‌ده تینچ‌لیک مذاکره‌لری باشله‌نیشی‌نی ایتگن ایدی؛ اما هنوز گچه هم تینچ‌لیک مذاکره‌لر باشلنگن لیگی‌دن هیچ قنده‌ی خبر یوق.
