سیلاو ایرکین کمیسیونی تامانیدن آوازلر قیته سنه‌لیشیدن آلدین، مذکور کمیسیون نینگ تیکشیریش، قیته سنه‌ش و آوازلرنی بیکار قیلیش طرزالعملی عمل‌گه آشیریلیشی خصوصیده قرار قیلینگن ایدی. اوشبو طرزالعمل‌ده تورت باسقیچ آچیق شکلده کیریتیلگن و بو تورت باسقیچ آوازلر قیته سنه‌لیشیدن آلدین عمل‌گه آشیریلیشی کیره‌ک.
یراقلی آوازلرنی یراقسیز آوازلردن اجره‌تیش، یوقالگن بایومتریک اسکونه‌لریده رویخط‌گه آلینگن آوازلرنی تقدیری بیللی قیلینیشی، عمومی سرورگه اوتکزیلگن آواز بیریش محل‌لرنینگ آوازلری اثباتلنیشی و هر بیر آواز بیریش صندوق آوازلرنینگ میزانی تعیین ایتیلیشی تورت باسقیچ گه شامل بوله‌دی.
بیراق، سیلاو تیم‌لری و سیلاو ایرکین کمیسیونی نینگ کمیشنرلریدن بیرقطاری، آوازلر تیزلیک‌که قیته سنه‌لیشی‌نی سوره‌گن.
سیلاوندن نظارت قیلووچی اداره‌لرنینگ ایتیشیچه، آوازلرنینگ قیته سنه‌ش توغریسیده بولگن طرزالعمل عمل‌گه آشیریلمسه سیلاو شفافیتی‌نی سوراققه دوچ قیله‌دی و سیلاو کمیسیونی بونده‌ی بیر ایش قیلگن صورتده، سیلاو ایشانچی گه زیان ییتکیزه‌دی.
افغانستان بوییچه ایرکین و عدالت‌لی سیلاو بنیادی یا-ده فیفا باشلیغی یوسف رشیدنینگ ایتیشیچه، سیلاو جریانی تخنیکی شکلده حل قیلینیشی توغریسیده بوله‌دیگن حاضرگی سعی و حرکت‌لر بو جریان نینگ شفافیتی گه هیچ یاردم بیرمه‌یدی.
جناب رشیدنینگ ایتیشیچه، سیاسی سعی و حرکت‌لر یراقلی نتیجه گه زمینه یره‌تمه‌یدی و برچه طرف‌لر آرقه‌لی قبول قیلینمه‌یدی.
اونگه کوره، سیلاو ایرکین کمیسیونی، اوشبو کمیسیون نینگ طرزالعمل‌لری اساسیده، بو قیین‌چیلیک‌لر حل ایتیلیشی اوچون ییچیم یول تاپیشی کیره‌ک و سیلاو تیم‌لری هم بو کمیسیون نینگ ایشلریده اره‌لشمه‌سی لازم.
شونینگدیک، افغانستان بوییچه شفاف سیلاو بنیادی یا-ده تیفا، بیر خبرنامه نشر قیلیب سیلاونینگ تخنیکی جریانلری سیاسی بولیشیدن خواطر بیلدیریب و بو ایشنی افغانستانده ینگی رواجلنگن دموکراسی برابریده کته ضربه دییدی.
افغانستان بوییچه شفاف سیلاو بنیادی نی سوزلاوچیسی زبیر حبیب‌زاده نینگ ایتیشیچه، سیلاو کمیسیونلری، سیلاو قانونی اساسیده عمل قیلیب و سیلاو جریانی نینگ شفافیتی خصوصیده، اهالی گه ایشانچ بیریشی کیره‌ک.
جناب حبیب‌زاده گه کوره، سیلاو لایحه‌سی، قانونلری و طرزاالعمل‌لری گه نسبتن هرقنده‌ی قرشی‌لیک سیلاو جریانی ینگی بیر بحران گه دوچ قیلیشی خصوصیده زمینه یره‌ته‌دی.
شو توغریده:
- یقینلیک و برقرارلیک سیلاو تیمی آوازلر قیته سنه‌ش جریانی‌نی تحریم قیلدی
سیلاو شکایت‌لرینی تینگلش کمیسیونی: آوازلرنی قیته سنه‌ش جریانی باشلنسین
سیلاو ایرکین کمیسیونی نینگ دبیرخانه اداره‌سینی سابق باشلیغی داوودعلی نجفی، قیته سنه‌ش طرزالعملی عمل‌گه آشیریلیشی و آوازلر تیکشیریلیشی‌نی سیلاو شفافیتی نی تأمین قیلووچی دییدی، بیراق ایتیشیچه، سیلاو ایچیده و تشقریده بولگن قطار تشکیلات‌لر شفافیت تأمین‌لنیشی گه توسیق بولیشه‌دی.
عین حالده، سیلاولر ایرکین کمیسیونی (18- عقرب شنبه کونی) 8255 محل آوازینی تیکشیریش و قیته سنه‌ش پروسه‌سینی باشله‌دی، بیراق عبدالله عبدالله رهبرلیگیده یقینلیک و برقرارلیک سیلاو تیمی، رحمت‌الله نبیل رهبرلیگیده خوفسیزلیک و عدالت سیلاو تیمی و گلبدین حکمتیار رهبرلیگیده تینچلیک و اسلامی عدالت سیلاو تیمی طرزالعمل‌لرنی نظرگه آلمسدن آوازلر قیته سنه‌لیشی نی قانون گه قرشی دیب اونینگ تحریم قیلگنلر.
بیراق اشرف غنی رهبرلیگیده دولت قوروچی سیلاو تیمی آوازلر قیته سنه‌لیشی آرتده قالدیریلیشی اولر تامانیدن قبول قیلینمه‌سلیگی اوستیگه اورغوله‌گن.
شونینگدیک اوتگن کون یقینلیک و برقرارلیک سیلاو تیمی رهبری عبدالله عبدالله ناراضلیک بیر ییغین یولگه قوییب ایتیشیچه، آوازلرنی قیته سنه‌ش توختتیلمه‌گن حالده، سیلاونی تحریم قیلیب و نتیجه نی تن آلمه‌یدیلر.
جناب عبدالله نینگ اورغولشیچه، افغانستان بحران تامان کیتگن حالده، اونینگ مسئولی اشرف غنی رهبرلیگیده دولت قوروچی سیلاو تیمی دیر. اونینگ کوپه‌یتیریشیچه، سیلاولر ایرکین کمیسیونی یقینلیک و برقرارلیک سیلاو تیمی ناظرلری نینگ غیابی‌ده آوازلر قیته سنه‌شینی توختتیشی کیرک و بو ایش بولمه‌گن حالده، ناراضلیک نمایش گه قول اوره‌دیلر.
شونینگدیک بوندن آلدین یقینلیک و برقرارلیک سیلاو تیمی بیر قرارنامه آرقلی سیلاولر ایرکین کمیسیونی‌دن 137630 نابیللی آواز، 102012 سیلاو زمانیدن تشقی آواز، 70 مینگ تکراری صورتلی آواز و یوقالگن 700 اسکونه و اس دی کارت شامل تورت تورلی ساخته آوازلر تیکشیریلیشی نی سوره‌گن ایدی.
بیراق دولت قوروچی سیلاو تیمی نینگ بیرینچی اورین باسری امرالله صالح عبدالله نینگ بیاناتی گه عکس‌العمل بیلدیریب فیسبوک صحیفه‌سیده یازیشیچه، عبدالله سیلاوی کمیسیون نینگ برچه استخدام لریگه توغری شکلده نقشی بار ایدی و سیلاولر ایرکین کمیسیونی اعضاسی برچه نامزدلر آرقلی تنلنگن.
جناب صالح نینگ کوپه‌یتیریشیچه، بو استخدام‌لرگه اشرف غنی شامل باشقه نامزدلرنینگ هم تینگ نقشی بار.
