سیلاو ایرکین کمیسیونی مسؤوللری نینگ ایتیشیچه، عیاللرگه خاص 11 مینگ آواز بیریش محل‌دن 1450 محل نینگ سیلاو کونیده عیال ایشلاوچیسی یوق دیر.
بوگون «چهارشنبه، 3- میزان» کابل‌ده خبری بیر ییغین اوتکزگن سیلاو ایرکین کمیسیونی اعضاسی محمدحنیف دانشیارنینگ ایتیشیچه، اوشبو آواز بیریش محل‌لر 21 ولایتده بولگن. بیراق، جناب دانشیار بو ولایت‌لردن آت توتمه‌یدی.
دانشیارنینگ ایتیشیچه، سیلاو کمیسیونی اوتگن کونگچه بو محل‌لرده عیاللرنی تعیین قیلیش اوچون سعی و حرکت قیلگن، لیکن مؤفق بولمه‌گن.
سیلاو ایرکین کمیسیونی اوشبو اعضاسی نینگ ایتیشیچه، مذکور محل‌لرده اوشه منطقه‌دن بولیب «حساسیت توغدیرمه‌یدیگن» کیکسه کیشی‌لر تعیین ایتیلگن.
سیلاو ایرکین کمیسیونی باشلیغی حوا علم نورستانی نینگ ایتیشیچه، سیلاوده تقلب آلدی آلینیشی اوچون سیلاو کونیده بایومتریک اسکونه‌سی آرقه‌لی صورت چیکیش کیره‌کلی دیر.
سیلاو ایرکین کمیسیونی نینگ مسؤوللری ایشانچ بیریب ایتیشیچه، بو دور سیلاوده هیچ‌قنده‌ی تقلب بولمه‌یدی و اصلی آوازلر برماق ایزی و صورتدن فایده‌لنیب تکراری آوازلردن اجره‌تیله‌دی.
شو توغریده…
فیفا و تیفا: آواز بیریش مرکزلریگه سیلاو ملزمه‌لری ییتیشمه‌گن
