سیلاو ایرکین کمیسیونی مسووللری‌نینگ ایتیشیچه، جمهورلیک ریاستی سیلاونینگ دستلبکی نتیجه‌سی اعلان قیلیش قراری بوگون "چهارشنبه" اوشبو کمیسیون تامانیدن نهایی بوله‌دی.
سیلاو ایرکین کمیسیونی سوزلاوچیسی ذبیح‌الله سادات نینگ سلام‌وطندارگه ایتیشیچه، سیلاو ایرکین کمیسیونی‌نینگ دبیرخانه‌سی اجرا‌آت‌لرینی نهایی قیلگن و اوشبو کمیسیون سیلاو دستلبکی نتیجه‌سی‌نینگ اعلان قیلیش خصوصیده اوز قرارینی نهایی قیله‌دی.
جناب سادات‌گه کوره، سیلاو ایرکین کمیسیونی‌نینگ ولایتی دفترلریگه آوازلر قیته سنه‌لیشی خصوصیده رخصت بیریلمه‌یدی، بیراق اوشبو کمیسیون وقت ضایع ایتیلیشی‌گه توسیق بولیش اوچون دستلبکی نتیجه‌نی اهالی بیلن شریک قیلیش‌گه مکلف دیر.
عین‌حالده، ملی بیرلیک حکومتی نینگ اجرایی باشلیغی و جمهورلیک ریاستی نامزدلریدن بیری عبدالله عبدالله نینگ آگاه‌لنتیریشیچه، سیلاو ایرکین کمیسیونی سیلاو تیمی‌لری‌نینگ قانونی ایستک‌لریگه دقت قیلمه‌ی سیلاو نتیجه‌سینی اعلان قیلگن صورتده، اولر تامانیدن قبوللنمه‌یدی و بوتوغریده بی‌فرق قالمه‌یدی.
بوگون "چهارشنبه" جمهورلیک ریاستی نامزدلر کینگشی‌نینگ کابلده بیر ییغین آرقه‌لی ایتیشیچه، سیلاو ایرکین کمیسیونی‌نینگ مدیریت‌سیزلیگی و نامزدلرنینگ ایستک‌لریگه دقت قیلمهگنی مملکت‌نی قیین‌چیلیک تامان آلیب باره‌دی.
گرچند بوندن آلدین سیلاو ایرکین کمیسیونی، جمهورلیک ریاستی سیلاونینگ دستلبکی نتیجه‌سی اعلان قیلینیشی‌نی بیلدیرگن ایدی، بیراق حاضرگه‌قدر سیلاو دستلبکی نتیجه‌سی‌نینگ اعلان قیلیش تاریخی بیللی بولمه‌گن.
