افغانستان سیلاو ایرکین کمیسیونیده ایچکی کمیشنرلرنینگ یانیده چیت‌ایللیک کمیشنرلرنینگ هم حضوری بار. مذکور کمیسیونده 7 ایچکی کمیشنر یانیده خانم الوینا و احمد اسحاق حسن هم فعالیت قیله‌دیلر.
سیلاودن نظارت قیلووچی اداره‌لرنینگ ایتیشیچه، چیت‌ایللیک کمیشنرلرنینگ حضوری سیلاو کمیسیونی نینگ ایشلری اوستیگه هیچ‌قنده‌ی ایجابی تأثیر قویمه‌گن و چیت‌ایللیک کمیشنرلرنینگ ایش‌لایحه‌سی حاضرگچه سیلاو کمیسیونی تامانیدن تیارلنمه‌گن.
افغانستان بوییچه شفاف و عدالت‌لی سیلاو بنیادی یا-ده «فیفا» اجراییه باشلیغی یوسف رشیدنینگ سلام‌وطندارگه ایتیشیچه، سیلاو کمیسیونلری اوچون ایکی چیت‌ایللیک کمیشنرنینگ ایش‌گه آلیش فلسفه‌سی بو کمیسیونلر اوچون اویغونلیک و ایشانچ کیلتیریش بولگن؛ بیراق مذکور ایکی کمیشنر حاضرگه‌قدر بو مسؤولیت‌نی یخشی بیر شکلده عمل‌گه آشیرمه‌گن.
شونینگدیک، افغانستان بوییچه شفاف سیلاو بنیادی یا-ده «تیفا» باشلیغی نعیم ایوب‌زاده نینگ سلام‌وطندارگه ایتیشیچه، اولرنینگ قولگه کیریتگن معلوماتلری اساسیده، چیت‌ایللیک کمیشنرلرنینگ حضوری سیلاو کمیسیونلری نینگ ایشلری اوستیگه هیچ‌قنده‌ی ایجابی تأثیر قویمه‌گن.
اونگه کوره، سیلاو کمیسیونی نینگ ایش‌سیزلیگی و اویغونسیزلیگی افغانستان سیلاویدن دنیا جماعه‌چیلیگی صداقت بیلن حمایت قیلمه‌گنیدن کیلیب چیقه‌دی.
بیراق، سیلاو ایرکین کمیسیونی نینگ سوزلاوچیسی اورین باسری عبدالعزیز ابراهیمی نینگ ایتیشیچه، چیت‌ایللیک کمیشنرلر یالغیز آواز بیره آلمه‌یدیلر، لیکن ایچکی کمیشنرلرنینگ صلاحیتی گه ایگه بولیب و حضورلری بو کمیسیونده تأثیرچن دیر.
سیلاو قانونی گه قیته تیکلنگنیدن سونگ، سیلاو کمیسیونلری ایشلرینی یخشی بیر شکلده آلغه آلیب باریش‌لری اوچون ایکی کمیسیونده چیت‌ایللیک کمیشنرلر تانیشتیریلگن. بیراق، سیلاودن نظارت قیلووچی اداره‌لر، چیت‌ایللیک کمیشنرلرنینگ حضوری بیلن سیلاو ایشلری یخشی بیر شکلده آلغه آلیب باریلمه‌گنی و اویغونسیزلیگی‌دن تنقید قیلگن‌لر.
