جمهورلیک ریاستی نامزدلری نینگ نظارتچی‌لری و سیلاولردن نظارت قیلیووچی نهادلرنینگ ایتیشیچه، اوتگن نیچه کون جریانیده بایومتریک اسکونه‌لری نینگ معلومات‌لری سیلاو ایرکین کمیسیونی نینگ معلوماتی مرکزیگه انتقال تاپمه‌گن. اولرنینگ ایتیشیچه، بو وضعیت دوام قیلگن صورتده، جمهورلیک ریاستی سیلاوی نینگ بیرینچی نتیجه‌سی تعیین ایتیلگن زمانده اعلان ایتیلمه‌یدی.
ییقنلیک و برقرارلیک سیلاو تیمی نظارتچی‌سی یونس نواندیش نینگ سلام‌وطندارگه ایتیشیچه، اوتگن 4 کون جریانیده بایومتریک اسکونه‌لری نینگ معلومات‌لری سیلاو ایرکین کمیسیونی نینگ معلوماتی مرکزیگه انتقال تاپمهریدی و بو لایحه بوگون "دوشنبه" ساعت 1 ده باشلندی.
اونینگ ایتیشیچه، سیلاو ایرکین کمیسیونی بوتوغریده اولرگه معلومات بیرمه‌گن.
افغانستان بوییچه شفاف سیلاو بنیادی یا-ده تیفا سوزلاوچیسی صغرا سعادت نینگ سلام‌وطندارگه ایتیشیچه،اولرنینگ نظارت‌لریگه کوره، بایومتریک اسکونه‌لری نینگ معلومات‌لری سیلاو ایرکین کمیسیونی نینگ معلوماتی مرکزیگه انتقال تاپمه‌گن.
خانم سعادت‌گه کوره، بو لایحه نینگ کندلیگی، جمهورلیک ریاستی سیلاوی نینگ بیرینچی نتیجه‌سی اعلان ایتیلیشی خصوصیده سلبی تاثیر قویه‌دی و سیلاو بیرینچی نتیجه‌سی تعیین ایتیلگن زمانده اعلان ایتیلمه‌یدی.
بیراق، سیلاولر ایرکین کمیسیونی اعضاسی مولانا عبدالله نینگ ایتیشیچه، بایومتریک اسکونه‌لردن معلومات‌لرنینگ انتقال بیریلیشی خصوصیده "جمعه" کونی قیین‌چیلیک چیقگن ایدی و حاضرده بو قیین‌چیلیک حل ایتیلگن.
جمهورلیک ریاستی سیلاوی میزان آی نینگ 6- تاریخیده یولگه قوییلدی. بو سیلاو بیرینچی نتیجه‌سینی میزان آی نینگ 27- تاریخیده اعلان ایتیلیشی ممکن.
