.jpg)
سیلاو کمیسیونی نینگ ایتیشیچه، دستلبکی نتیجه تیکشیروولر یکونلنگنیدن سونگ، اعلان ایتیله‌دی.
بوگون «شنبه» کیچ قورون خبری بیر ییغین اوتکزگن افغانستان سیلاو ایرکین کمیسیون باشلیغی حوا علم نورستانی نینگ ایتیشیچه، توپلم شکلده سیلاو کونیده 4685 آواز بیریش مرکز آچیلگن و بو مرکزلرنینگ ملزمه‌لری مرکزی دفترگه انتقال بیریلگن و عین دمده، آواز بیریش ورقلر و دیجیتلی ورقلرنینگ عکسی انترنت آرقه‌لی مرکزگه انتقال بیریلیشی خصوصیده قرار قیلینگن ایکن، بیراق مخابراتی ترماقلرنینگ فعالیتی کیسیلگنی باعث، بو معلومات وقتیده یوباریلمه‌گن.
خانم نورستانی گه کوره، اوشبو قیین‌چیلیک‌لرگه علاوه، سیلاو معلومات مرکزی گه معلوماتلرنی انتقال بیریش دارمالوک سیستمی ایش بیرمه‌گنی باعث، اون کوندن کیین باشلنگن.
شونینگدیک، اونینگ اورغولشیچه، گواهلر و نظارتچی‌لر بوتون باسقیچ‌لردن نظارت قیلیشه‌دی، بیراق ایریم موضوعلرده اولر جریان نی برهم اوریشه‌دی.
اونگه کوره، سیلاو کمیسیونی نتیجه‌لرنی توپلش مرکزیده 25566 ورقنی باسقیچ دن اوتکزگن و حاضر هم 1329 ورق نینگ قیین‌چیلیگی بولگنی تیکشیریلماقده دیر. شونینگدیک، 482 ورق حاضرگچه ییتیشمه‌گن و بو ورقلرنی کاپیسی صندوقلردن چیقاریلیب تیکشیریلیشی کیره‌ک.
سیلاو کمیسیونی باشلیغی نینگ ایتیشیچه، سیلاو کمیسیونی دیجیتلی نتیجه‌لرنی تیکشیریش مرکزده 23176 ورقنی باسقیچ دن اوتکزگن. بو مرکزده بایومتریک‌لی آواز بیرووچیلرنینگ رقمی بیللی بولگن، بیراق بو معلومات تیکشیریلیب و تحلیل قیلینیشی اوچون سیلاو معلومات مرکزی گه کیریتیلیشی لازم.
افغانستان جمهورلیک ریاست سیلاوی نینگ دستلبکی نتیجه‌سی بوگون «شنبه، 27- میزان» اعلان ایتیلیشی گه قرار قیلینگن ایدی، بیراق سیلاو کمیسیونی تعیین ایتیلگن زمانده دستلبکی نتیجه‌نی اعلان قیله آلمه‌دی.
شو توغریده…
جمهورلیک ریاست سیلاوی‌نینگ دستلبکی نتیجه‌سی اعلان ایتیلیشی توخته‌تیلدی
