بوگون «سه‌شنبه» کابل‌ده جمهورلیک ریاستی نامزدلر کینگشی اعضالری خبری بیر ییغین اوتکزیب ایتیشیچه، جاری ییل، 1- جوزا دن سونگ حاضرگی ملی بیرلیک حکومت دوامی قانون گه قرشی دیر.
جمهورلیک ریاستی نامزدلر کینگشی نینگ اعضاسی شهاب حکیمی نینگ ایتیشیچه، جمهور رئیس غنی ایسته‌گن صورتده، نامزدلیگی‌دن منصرف بولیب و سرپرست عنوانیده ایشی‌گه دوام بیره آله‌دی. اونینگ ایتیشیچه، جمهور رییس غنی بونده‌ی بیر ایش‌نی قیلمه‌گن صورتده، سیاسی اجماع موضوع‌سی مطرح ایتیله‌دی.
اوشبو کینگش باشقه بیر اعضاسی محمدحنیف اتمر نینگ ایتیشیچه، جمهور رییس نینگ اساسی قانونگه قرشی حرکت قیلمی و سرپرست حکومت طرحی‌نی قبول قیلیشی کیره‌ک.
جناب اتمرگه کوره، جمهور رییس اولر ایسته‌گی‌گه ایجابی جواب قیترمگن صورتده، مدنی حرکت‌لرگه قول اوریش‌لری ممکن.
عین‌حالده، جمهورلیک ریاستی نامزدلر کینگشی نینگ اعضاسی غلام فاروق نجرابی، سیاسی اجماع و سرپرست حکومت‌نی قبول قیلمس‌لیگی‌نی بیلدیریب و تینیق سیلاو یولگه قوییلیشی اوچون زمینه یره‌تیلیشی‌گه تاکید قیله‌دی.
بیراق، جمهورلیک ریاستی سوزلاوچیسی هارون چخانسوری نینگ تویتر صحیفه‌سیده یازیشیچه، اساسی قانون‌نی تفسیر قیلیووچی بیرینچی مرجع عالی محکمه دیر و سیاسی حزب‌لر و کیشی‌لر بو قانونی تفسیر قیله آلمه‌یدی.
