افغانستانده سوز ایرکین‌لیگی‌دن حمایت قیلووچی اداره یا-ده (نی) تشکیلاتی و آریانانیوز تلویزیونی تمانیدن یولگه قوییلگن فکر اورگه‌نیش‌گه کوره، مملکت یشاوچی‌لریدن 90% افغانستان دولتی و طالبان گروهی آره‌سیده تینچلیک کیلیشوو انجام تاپیشی‌نی ایسته‌یدی.
"نی" اجرایی باشلیغی مجیب خلوتگرنینگ ایتیشیچه، مذکور فکر اورگه‌نیش سوراق سوره‌ش اساسیگه صورت تاپگن و 5 مینگ 379 کیشی مملکت 34 ولایتیدن اوشبو فکر اورگه‌نیش گه اشتراک قیلگن.
خلوتگرنینگ کوپه‌یتیریشیچه، مملکت یشاوچی‌لریدن 90.2% جمهورلیک ریاستی سیلاویدن آلدین تینچلیک کیلیشووی صورت تاپیشی‌نی ایسته‌یدی و باشقه 8% یشاوچیلر تینچلیک کیلیشووی‌دن آلدین جمهورلیک ریاستی سیلاوی‌نینگ یولگه قوییلیشی‌گه طرف‌دار و شونینگدیک باشقه قالگن یشاوچیلر جمهورلیک ریاستی سیلاوی و طالبان گروهی بیلن تینچلیک کیلیشووی‌نی بیر زمانده انجام تاپیشی اوچون فکر بیلدیرگن‌لر.
شوتوغریده…
25 فبروری‌ده قطرنینگ باشکنتی دوحه‌ده طالبان گروهی و امریکا نماینده‌لری آره‌سیده تینچلیک سوزلشوو یولگه قوییلیشی اوچون قرار قیلینگن بیرحالده، سیلاو و تینچلیک خصوصیده اوشبو فکر اورگه‌نیش یولگه قویلگن.
