.JPG)
سیلاو اصلاحات دادخواهلیک گروهی افغانستان ایرکین وعادلانه سیلاولر بنیادی (فیفا) همکارلیگی بیلن سیلاولرگه اصلاحات کیریتیش 41 اصل‌نی بوگون جمهور رییسلیک سرایی، سپیدار، مدنی تشکیلاتلر و سیاسی حزبلر نماینده‌لری اشتراکیده «سیلاو اصلاحات مسوده‌سی» نامی آستیده اوتکزیلگن قوشمه ییغینده سیلاولرگه تیگیشلی اداره‌لر، جمهور رییسلیک سرایی و اجراییه ریاستی‌گه تاپشیرگن.
مسووللر، اداره‌لرگه بیریلگن معین موردلردن عبارت اوشبو تکلیف مجموعه‌ی همکارلیگیده سیلاولر کمیسیونلری ایش آلیشی ممکن دیگنلر.
افغانستان عادلانه و ایرکین سیلاولر بنیادی‌نینگ اجراییه اورین باسری نعیم اصغری، اوشبو تکلیف‌ده سابق سیلاولر قیین چیلیگی اورگه‌نیلیب معین موردلرنی اوز ایچیگه آلگن مذکور تکلیف تیگیلشی اداره‌لرگه بیریلدی دیدی.
سیلاوچیلر رویخطی تیارله‌نیشی، رای بیریش مرکزلر آچیلیشی، سیلاولر خرجتی کمه‌یشی، بوتون نامزدلرنینگ سیلاولر اوچون خرجت لایحه‌سی، سیاسی حزبلر و مدنی تشکیلاتلر تامانیدن کوزه‌توچیلر تعیین بولیشی و ولایتلر بویلب آوازنی رویخطگه آلیش اوشبو مجموعی تکلیف‌گه سغدیریلگن مهم مساله‌لردن بولگنی ایتیله‌دی.
رای بیریش مرکزلردن نتیجه‌لر مرکز و ولایتی اداره‌لرگه آلیب کیلینیشی اوچون برقی اوسکونه‌لردن ایش آلیش، وقتینچه‌لیک خادملرنی ایشگه آلیشده شفاف اصولی تیارلش، لایحه‌گه زوروان شخصلر اره‌له‌شیش آلدی آلینیشی، کمیسیون مالی بوزیلیشلریگه سبب بولگن بیلن قانونی یانده‌شیش و نامزدلرنینگ منفعتی همده زیانیگه کمپاین قیله دیگنلر کبی موردلر تکلیف نینگ باشقه اصللردن سنه‌له‌دی.
.JPG)
افغانستان عادلانه و ایرکین سیلاولر بنیادی‌نینگ اجراییه باشلیغی یوسف رشید، سیلاولر کمیسیونلریدن بوتونلی شفافیت و مستقللیک بیلن ایش کوریشلرینی سوره‌گن. کمیسیون خلق نینگ فکرینی جدی نظرده توتیشی کیره‌ک دیدی جناب رشید.
شونینگدیک فیفا رسمیلری، جمهور رییسلیک سرایی و اجراییه ریاستیدن سیلاولر کمیسیونلری‌نینگ مستقللیگی‌گه حرمت قیلیشلرینی طلب قیلگنلر.
ییغینده قتنشگن جمهور رییس سوزلاووچیسی نینگ اورین باسری شاه حسین مرتضوی، سیلاولر اوتکزیلیش‌ده خَرجت کم بولیشی مقصدیده پارلمانی، شهردارلر، ولایتی کینگش و تومنلر کینگشی سیلاولری بیر زمانده اوتکزیلیشی مقصدگه موافق دیگن.
اجراییه ریاستی نینگ فرهنگی مصلحتچیسی سیدفاضل سانچارکی، سیلاوچیلرنینگ بوتون رای بیریش کارتی بیکار قیلینیب، ایشانچلی حجت اساسیده سیلاولرگچه قته دن ینگی کارت ترقه تیلیشی ضرور لیگنی اظهار قیلگن.
بیراق، سیلاولر ایرکین کمیسیونی نینگ نماینده‌سی معاذالله دولتی، سابق سیلاولرده ایشله‌تیلگن سیلاوچیلرنینگ کارتی بیکار ایتیلیشی یا – ده قیته ایش آلینیشی اوستیده بحث جریانی بارلیگینی تیلگه آلگن.
سیلاولر حوزه‌سی تعیین بولیشی، رای بیریش مرکزلر اوچون موازنت نظرده توتیلیشی، سیلاوچیلر رویخطی تیارله‌نیشی و تشکیلات ینه تیزیمگه اصلاحات کیریتیش کمیسیون نینگ بیرینچی ایشلریدن حسابلنه‌دی دیگن جناب معاذالله دولتی.
