غزنی ولایتی‌نینگ اعتراضچی‌لری، سیلاولر ایرکین کمیسیونی تامانیدن یوباریلگن هیأت بیلن بولگن بحث‌لری نتیجه‌سیز قالگنی‌دن خبر بیریب ایتیشیچه، تحصن دوام ایته‌دی.
اوشبو اعتراضچی‌لرنینگ باشلیغ‌لریدن بیری خلیل‌الله هوتک نینگ ایتیشیچه، سیلاولر حوزه‌یی بولیشی اولرنینگ اساسی ایستک‌لریدن دیر. جناب هوتک، امنیتی قیین‌چیلیک‌لرنی بو ایستک اوستیگه باسقین کیریتیش دلیلی دیب بیله‌دی.
عین حالده، اعتراضچی‌لرنینگ باشلیغ‌لریدن باشقه بیری عبیدالله سادات نینگ ایتیشیچه، سیلاولر ایرکین کمیسیونی دفتری‌نینگ ایشلاوچی‌لریگه اوزگریش کیریتیش توغریسیده اولرنینگ بحث‌لری نتیجه بیرمه‌گن، بیراق سیلاولر حوزه‌یی بولیشی اوچون اولر جمهور رئیس بیلن سوزلش‌لری کیره‌ک.
غزنی ولایتی‌گه یوباریلگن هیأت باشلیغی سیلاولر ایرکین کمیسیونی‌نینگ کمیشنرلریدن حفیظ‌الله هاشمی، بو سوزلرنی تصدیق‌لب ایتیشیچه، هیأت قولی‌دن کیله‌دیگن مسئله‌لر تیکشیریلیب و حل ایتیلگن، بیراق اعتراضچی‌لرنینگ نیچه جدی ایستک‌لری توغریسیده، جمهورلیک ریاستی قرار قیلیشی لازم.
سیلاولر حوزه‌یی ایتیلیشی، سیلاولر ایرکین کمیسیونی‌نینگ ولایتی دفتر ایشلاوچی‌لری اوزگرتیریلیشی، کیم‌لیک‌لرنی یوزیده استیکر قیستیریلمه‌سی و غزنی‌نینگ ناتینچ تومن‌لری‌نینگ خوفسیزلیگی تأمین‌لنیشی اعتراضچی‌لرنینگ اساسی ایستک‌لریدن بولگن و بو ایستک‌لر عمل‌گه آشیریلیشی اوچون غزنی ولایتیده سیلاولر ایرکین کمیسیونی‌نینگ دفترینی اونگیده تحصن خیمه قورگن‌لر.
