سیلاولر تیزیمی‌گه اصلاحات کیریتیش کمیسیون رسمی‌لری‌نینگ ایتیشیچه، اوشبو کمیسیون تکلیف‌لری ایرته (دوشنبه) اجراییه ریاستی‌گه ارایه ایتیله‌دی.
سیلاولر تیزیمی‌گه اصلاحات کیریتیش خاص کمیسیون اورین باسری صدیق‌الله توحیدی‌نینگ سلام‌وطندارگه ایتیشیچه، سیلاولر تیزیمی، سیلاو حوزه‌لرینی اوزگرتیریش و تونیق کمیته ایجاد ایتیش، تکلیف بولینگن اوچ مسئله دیر کیم، جمهور رییس انچه پیت آلدین کوپراق تیکشیریلیشی خصوصیده، مذکور کمیسیون‌گه یوبارگن ایدی.
جناب توحیدی‌گه کوره، افغانستان سیلاولر تیزیمی‌گه اصلاحات کیریتیش خاص کمیسیون، اوتگن بیش آی‌ده برچه اصلاحات کیریتیله‌دیگن مسئله‌لرنی ایش بیلرمان‌لر بیلن اورته‌گه قوییب و نتیجه‌ده سونگی ریجه‌نی تعیین ایتیلگن چاغ اساسیده، تیارله‌گن.
شونینگ‌دیک، جناب توحیدی‌نینگ ایتیشیچه، اوشبو کمیسیون اوچ ایسلنگن مسئله‌گه قوشیمچه، باشقه کیله‌جک جمهورلیک ریاستی سیلاولرینی تیکشیریش، تومن‌لر کینگشی و قیشلاق‌لر کیشی سیلاولری قنده‌ی اوتکزیلیشی خصوصیده‌گی موضوع‌لرنی تکلیف قیلگن.
ایتیش لازم، سیلاولر تیزیمی‌گه اصلاحات کیریتیش کمیسیونی، اون موضوع‌دن عبارت بولگن بیرینچی تکلیف‌لرینی، کمیده اوچ آی آلدین حکومت‌گه تاپشیردی و جمهور رییس، بو جمله‌دن 7 موضوع‌نی تصدیق‌له‌دی. شونینگ‌دیک، جمهور رییس انچه پیت آلدین، بیر تقنینی فرمان ارا تنلش کمیته ایجاد ایتیلیشی‌گه بویروغ بیردی.
بیراق، نماینده‌لر کینگشی باشلیغی عبدالرؤوف ابراهیمی، اوشبو کینگش‌نینگ شنبه کونگی ییغینیده، تنلش کمیته ایشی باشله‌نیشی اساسی قانون‌گه قرشی دیدی. مجلس باشلیغی‌گه کوره، حاضرگه قدر جمهور رییس‌نینگ، سیلاو کمیسیون‌لری صلاحیت‌لری توغری‌سیده‌گی فرمانی نماینده‌لر کینگشی تامانیدن تصدیق و یا رد ایتیلمه‌گن و تنلش کمیته تشکیل ایتیلیشی مملکت اساسی قانونی‌گه قرشی دیر.
