تنلاو کمیته‌سی‌نینگ سابق اعضالریدن بیری فهیم دشتی سیلاولر تیزیمی‌گه اصلاحات کیریتیش اوچون حکومت‌نینگ بعضی بلند مرتبه‌لی رسمیلری اره‌لشه یاتگن لیک‌لرینی فاش قیلدی.
جناب دشتی، بوندن آلدین خبرچی‌لر همده عاموی اخبارات واسطه‌لری آدرسی‌دن تنلاو کمیته‌سی‌گه تانیشتیریلگن ایدی. اونگه کوره، جمهور رییس خوفسیزلیک کینگشی مصلحتچی‌سی حنیف اتمر، مالیه وزیری اکلیل حکمی، سیلاولر تیزیمی‌گه اصلاحات کیریتیش اوچون جمهور رییس‌نینگ حاضرگی مخصوص نماینده‌سی اکرم خپلواک‌لرنی مساله اوچون اره‌لشه‌دیلر دیگن.
شونینگ‌دیک دشتی، جمهور رییس‌نینگ سیلاولر تیزیمی‌گه اصلاحات کیریتیش اوچون صادر قیلگن فرمانی قانون‌گه قرشی ملی مجلس گه یوبارگنی‌نی تیلگه آلگن. دشتی، یوقاریده ایسه تیلگن شخصلرنینگ نیتی اوشبو فرمان ملی مجلس تامانیدن رد ایتلیش بولگن‌لیگی ایتگن. اما، نیت‌لریگه ماس بولگن حاضرگی فرمان‌نی ملی مجلس‌گه یوبارمسدن بی واسطه رسمی جریده‌ده نشر قیلیش‌گه یوباریلگن.
شونینگ‌دیک جناب دشتی، نماینده‌لر مجلس‌نینگ باشلیغ‌لری، سنا مجلسی، عالی محکمه، اساسی قانون‌نی تطبیق ایتیش‌نی نظارت قیلووچی کمیسیون و انسان حق و حقوق‌لرینی مسوولی‌نی موضوع اوچون تنقید قیلگن. اونگه کوره، سیلاولر تیزیمی‌گه اصلاحات کیریتیلیشی اوچون تشکیل ایتیلگن تنلاو کمیته‌سی‌گه دولت ادارلردن تورته‌سی نینگ باشلیغی قولی بولگن.
دشتی‌گه کوره، دستلب تنلاو کمیته‌سی‌نینگ اعضاسی 9 کیشی بولیشی کوتیلردی؛ اما، ملی خوفسیزلیک کینگشی مصلحتچی‌سی نینگ اره‌له‌شیشی بیلن رسانه‌لرنینگ نماینده‌سی بولگن (اوزی) و باشقه ناحربی خذمت‌لر اداره‌سی‌نینگ نماینده‌سی کمیته اعضالیگی‌دن چیقاریلیب، اولرنینگ اورنی‌گه پارلمان و سنا مجلسی‌نینگ باشلیغ‌لری تعین ایتیله‌دی.
دشتی، مساله اوچون تعهدی بولگنی سبب بو موضوع‌نی عاموی اخبارات واسطه‌لریگه فاش قیلگن. او، هیچ قندهی شخصی منفعت آرتیدن بولمه‌گن‌لیگی باره‌سیده تاکیدله‌گن.
ییغین‌ده اشتراک قیلگن سیلاولرگه اصلاحات کیریتیش کمیته‌نینگ اعضاسی صدیق‌الله توحیدی، تنلاو کمیته‌سی‌نینگ اعضالری اوچون برابرلیک انابت‌گه آلینمه‌گن دیگن.
توحیدی‌نینگ سوزلریگه کوره، سیلاولرگه اصلاحات کیریتیش کمیسیونی‌نینگ مجموعی تکلیفی‌ده بو موضوع نظرده توتیلگن؛ اما حکومت بومساله اوچون اعتبار بیرمه‌گن.
بو توغریده ملی امنیت کینگشی مصلحتچی‌سی و اکلیل‌حکمی‌نینگ فکرینی اورگه‌نیش اوچون آلیب بارگن سعی وحرکت‌لریمیز نتیجه بیرمه‌دی.
