بغلان ولایتیدن امنیتی بیر منبع نینگ سلام‌وطندارگه ایتیشیچه، اوتگن 10 ساعت‌ده مذکور ولایتده طالب‌لرنینگ هجومی نتیجه‌سیده، 12 کیشی هلاک و باشقه کمیده 100 کیشی یره‌لنگن.
بغلان ولایتیده ساغلیق‌نی سقلش ریاست اورین باسری عبدالعلیم غفاری‌نینگ ایتیشیچه، یالغیز پلخمری شهریده 50 دن آرتیق حربی و تینچ اهالی هلاک ایتیلیب و یره‌لنگن.
اونگه کوره، یره‌لنگن‌لردن کوپینچه‌سی تینچ اهالی، عیاللر و باله‌لر دیر و بولر قوراللی طالب‌لر تامانیدن آتیلگن موشک و هوان نتیجه‌سیده یره‌لنگن.
عین حالده، ترقه‌تیلگن گزارشلرگه کوره، پلخمری شهری مرکزی‌نینگ ایریم قسمت‌لری، مرکزی بغلان، نهرین، تاله‌وبرفک، دوشی و برکه تومن‌لریده امنیتی کوچلر و طالب‌لرنینگ آره‌سیده آتیشمه دوام ایتماقده و نتیجه‌ده اونلرچه تینچ اهالی و حربی هلاک ایتیلیب و تن جراحت آلگن‌لر.
شونینگدیک، هرات دن کیلگن گزارشلرگه کوره، مذکور ولایتده 2 حربی عسکر هلاک و باشقه 7 تینچ اهالی یره‌لنگن.
هرات ولایتیده سیلاولر ایرکین کمیسیونی‌نینگ مسؤوللریگه کوره، بوگون توش‌گچه قوراللی طالب‌لر کشک‌کهنه، کشک‌رباطسنگی، کهسان، کرخ، چشت، پشتون‌زرغون، غوریان، انجیل و گذره تومن‌لریده 12 آواز بیریش مرکز اوستیگه هجوم قیلگن‌لر.
هرات ولایتیده سیلاولر ایرکین کمیسیونی‌نینگ ولایتی دفتری‌نی خبرنامه‌سیگه کوره، ایکی حربی عسکر موترلری ییقیلگنی باعث، هلاک بولگن. مذکور حربی عسکرلر سیلاو موادی نی کشک‌رباطسنگی تومنی گه انتقال بیره‌یاتگن ایکن. بو واقعه ده باشقه 3 عسکر هم یره‌لنگن.
اوشبو خبرنامه اساسیده، مذکور ولایت‌نینگ کهسان تومنیده باشقه بیر واقعه‌ده ایکی آواز بیریش مرکزده ماین پارتله‌شی نتیجه‌سیده 2 کیشی تَن جراحت آلگن.
خبرنامه‌نی کوپه‌یتیریشیچه، قوراللی طالب‌لر ایرته‌لب‌دن بویان هرات ولایتی‌نینگ قطار تومن‌لریده نیچه آواز بیریش مرکز اوستیگه هجوم قیلگن؛ بیراق امنیتی کوچلرنینگ مقاومتی گه روپه‌ره بولگن.
