افغانستان خوفسیزلیک و برقرارلیک کینگشی جهادگه قرشی اهانت‌لر دوام ایتگن تقدیرده، تیزیم اورته‌دن کیته‌دی دیگن.افغانستان خوفسیزلیک برقرارلیک‌نی سقلش کینگشی باشلیغی و سابق جهادی رهبرلردن بیری عبدالرب رسول سیاف نینگ، شوروی قیزیل قشونی برابریده مجاهدلر پیروز بولگن لیگی نینگ 24 ییل لیگی‌دن نشانلش مراسمی‌ده ایتیشیچه، مملکت وضعیتی یخشی‌لنیشی توغری سیده، نیچه مرته ملی بیرلیک حکومت باشلیغ‌لریگه ایریم تکلیف‌لر قیلگنلر؛ بیراق، حکومت حاضرگه قدر اولرنینگ تکلیف‌لریگه اعتبار بیرمه‌گن.
جناب سیاف، 8- ثور قطار گروه‌لر تامانیدن قاره‌لنیشی توغریسی‌ده اشاره قیلیب ایتیشیچه، جهادگه قرشی اهانت دین‌گه قرشی ضد و جهادگه قرشی اهانت‌لر دوام ایتگن تقدیرده، اولر ایش‌گه کیره‌دی. اوشبو سابق جهادی رهبرگه کوره، بو وضعیت دوام ایتگن تقدیرده، تخت و تاج‌نینگ پایه‌لری خلق‌گه قرشی توره آلمه‌یدی.
افغانستان خوفسیزلیک و برقرارلیک‌نی سقلس کینگشب رهبرلیک اوشبو هیاتی نینگ سوزلری‌گه قره‌گن‌ده، مملکت وضعیتی شونده‌ی بیر شکل‌ده دوام ایتگن صورتده، تیزیم اوچون باشقه بیر تکلیف قیلینه‌دی.
جناب سیاف‌نینگ تاکیدله‌شیچه، مملکت دشمن‌لری، تیزیم‌نی نابود ایتیش اوچون ریجه تیارله‌یدی. حاضرگی شرایط‌ده تیزیم اورته‌دن کیتگن صورتده، سونگی اون بیش ییل آقیم‌ده قولگه کیریلتگن یوتوقلر اورته‌دن کیته‌دی.
باشقه تاماندن، افغانستان خوفسیزلیک و برقرارلیک‌نی سقلش کینگش رهبرلیگی اعضالریدن باشقه بیری محمد یونس قانونی‌نینگ اوشبو ییغین‌ده ایتیشیچه، جهادگه قرشی تنقیدلر دشمن‌لر تامانیدن ریجه‌لنه‌دی
.jpg)
جناب قانونی، خلق‌نینگ بوگونکی یوتوقلری و ایرکین‌لیگی، مجاهدلرنینگ سعی و حرکتی‌دن کیلیب چیقگن دیگن.
قانونی، مملکت بوزیلیشی خصوصی‌ده، ایریم لایحه‌لر ریجه‌لنتیریلگن لیگیده ایشانچ بیلدیرگن. بیراق، اولر مملکت‌نی مدافعه قیله‌دیلر و ضرور بولگن صورتده، امنیتی کوچلر یانی‌ده توریب، مملکت‌نی دفاع قیله‌دی.
جناب قانونی نینگ کوپه‌یتیریشیچه، حاضرگی وضعیت‌دن چیقیش خصوصی‌ده بیرینچی یول، ینگی بیر سیاست و قابلیت‌لی کادرلر ارا بیر کوچلی حکومت ایجاد ایتیش دیر.
عین حالده، بلخ ولایتی‌نینگ سرپرستی عطامحمد نور نینگ، 8- ثورنی نشانلش مراسمی‌ده مزارشریف‌ده ایتیشیچه، مملکت‌ده قطار گروه‌لر، اتفاق‌سیزلیک اوچون سعی و حرکت قیله‌دیلر. 7- و 8- ثورنی بیر- بیراویگه قوشیب، جهاد ارزشلری‌نی سوراققه دوچ قیله‌دیلر.
معین گروه‌نی آت توتمه‌گن جناب نورنینگ آگاهلنتیریشیچه، جهادگه قرشی بولگن سعی و حرکت‌لر کیله‌جک‌ده یامان نتیجه بیریشی ممکن.
افغانستان خوفسیزلیک و برقرارلیک کینگشی بوندن آلتی آی آیدین تاسیس ایتیلگن ایدی. بو کینگش اوزینی ملی بیرلیک حکومتی‌نینگ ییریک سیاسی اپوزیسیونی دیب بیله‌دی. عبدالرب رسول سیاف، محمداسمعاعیل خان، یونس قانونی، عبدالهادی ارغندیوال، زلمی رسول، صادق مدبر، محمدعمر داوودزی، بسم الله محمدی، عبدالرحیم وردک و عبدالرووف ابراهیمی لر مذکور کینگش‌نینگ اعضالریدن حسابلنه‌دی.
