افغانستان ملی کوچلری نیمه اوچون سیاسی بولمه‌سین مذکور کوچ‌لرنی سیاسی بولیش‌لری اوچون نیمه ضرر بار؟ بو سوراق‌لری بوگون افغانستان سابق جمهور رییسی نینگ بیرینچی اورین باسری مارشال محمد قسیم فهیم وفاتی نینگ بیر ییل‌لیگی‌نی نشانلش ییغینی‌ده سوزگه چیققن جهاد رهبرلریدن عبدالرب رسول سیاف جمهور رییس اشرف‌غنی‌دن قیلگن.
بوندن آلدین افغانستان جمهور رییسی محمد اشرف‌غنی مملکت ملی کوچلری، مسلکی و سیاسی بولمس‌لیک‌لری بارهسیده سوزله‌گن ایدی.او بیرچه «سیاسی شخصیت‌لر» دن امنیتی و مدافعه‌وی اداره لرده اینیقسه کیشی‌لر ایش‌گه آلینیش‌ده اره‌لشمس‌لیک‌لری بارهسیده تاکیدله‌گن ایدی.
ییغین حوت آیی نینگ 18- سیده کابل‌نینگ لویه جرگه سیده اوتکزیلدی. ییغینده افغانستان جهاد رهبرلری، دولت بلند مرتبه لی ملازم‌لری، نماینده‌لر مجلسی نینگ اعضاسی و کابل اهالیسی اشتراک قیلگن ایدیلر.
جناب سیاف اشرف غنی نینگ مذکور سوزلریگه عکس‌العمل بیلدیریب، حرج – مرج طرف‌داری ایمس و مملکت‌ده تینچ‌لیک بوزیلیشی‌نی هم ایسته میدی.
افغانستان‌ده اوتکزیلگن جمهور رییس‌لسک سیلاولر جنجال‌لرگه دوچار بولیشی و بو جریان ملی کوچ‌لر صفی‌گه تاثیر قیلیشی بیلن افغانستان جمهور رییسی قوشیمچه حکومت نینگ بلند مرتبه‌لی رسمی‌لری ملی کوچ‌لر سیاسی بولمس‌لیگی باره سده تاکیدلب کیلگن‌لر.
مدنی تنقیدلر بوندن نیچه وقت آلدین بیر مدنی اداره قاره مال صورتینی یاپشیتیریب مدنی جماعه چیلیک فعال‌لریدن بو باره ده فکر بیلدیرش‌لرینی سوره گن ایدی.
بو صورتده اوشبو حیوان‌نینگ فعالیت‌لری آلقیش‌لنگن. شونینگ‌دیک مدنی جماعه چیلیک فعال‌لری هم بو باره ده اوز فکر ملاحظه لریدن بیلدیرگن‌لر. اولر مذکور طنزی شکلده نیمه اوچون بو حیوان گه قدر بیریلمس لیگی‌نی ایتگن‌لر؟ بو حیوان ایسه همه حالت‌ده انسان نینگ یار و یاوری دیر. شونینگ‌دیک اولر مذکور حیوان مجاهدلرگه یاردم بیریب اولرگه قورال اسلحه ییتکزیب بیریلگن لگی‌نی ایتگن‌لر.
عبدالرب رسول سیاف مدنی جماعه چیلیک فعال‌لری‌نینگ اوشبو طنزی حرکت‌لری‌گه عکس‌العمل بیلدریب، بو ایش بیلن افغانستان خلقی جهادی همده انسانی کرامت‌نی ایاق آستی قیلیش دییه بیلدیرگن. شونینگ‌دیک افغانستان‌لیک مذکور جهادی رهبر بوندن نیچه کون آلدین کبرا خادمی اعتراض بیلدیریب کابل خیابان‌لریده تیمیر لباس کیگن‌لیگی همده قطار ایرکک‌لر 8- مارچ مناسبتی بیلن بورقه (چادر) سالگن‌لیک‌لرینی اسلام حکمی‌گه قرشی بیلن عمل بولگن‌لیگی باره سیده تاکیدله گن. اونینگ مذکور فعال‌لرگه خطاب قیلیب ایتیشیچه، حجاب اسلام دینی نینگ فرض‌لریدن بیری وبو ایش ایسه اسلام‌گه اهانت قیلیش دیر.
شونینگ‌دیک سیاف افغانستان‌ده‌گی خصوصی تیلویزیون لردن بیرینی هم آلقیش آلگن. مذکور تیلویزیون بوندن نیچه وقت آلدین یاش شاعر و شعر لرگه بغیشلگن موضوع نی ترقتگن. اوشبو تلویزیون مذکور شاعرلرنی کفر گویلیک‌که عیب له گن. سیاف گه کوره، افغانستان‌ده‌گی کوپنیچه تلویزیون‌لر اسلام‌گه ضد برنامه لرنی نشر قیله‌دی.
عین حالده، افغانستان نینگ مذکور جهادی رهبری مارشال فهیم نینگ جهاد دوریده اوزیدن کورستگن فدایی لیک‌لری بوگون مملکت‌ده بونده‌ی شرایط یره تیلگن لیگی‌گه سبب بولگن لیگی‌نی ایتگن.
