اسلامی حزب رهبری گلبدین حکمتیارنینگ اورین باسری حفیظ الرحمان نقی نینگ سلام‌وطندارگه ایتیشیچه، طالبان گروهی بیلن مذاکره قیلیش اوچون افغانستان سیاسی رهبری‌لریدن تشکیل تاپگن ینگی بیر گروه قوریلگن.
جناب نقی ، مذکور گروه نینگ ترکیبی خصوصیده معلومات بیرمه‌گن، بیراق اوشبو گروه نینگ تشکیل تاپیش ریجه‌سی بیر ییل آلدین مطرح قیلینگن‌لیگینی بیلدیرگن و مذکور گروه نینگ هدفی طالبان بیلن یوزمه‌یوز سوزلشوولر دیر دیگن.
بوندن آلدین اسلامی حزب رهبری گلبدین حکمتیار میدیالردن بیری بیلن اوتکزگن صحبتیده، بیرقطار سیاسی حزب و جریان‌لر طالبان گروهی بیلن مذاکره‌گه کیرگنی‌نی بیلدیرگن ایدی.
اسلامی حزب رهبری گلبدین حکمتیار، حکومت تامانیدن مذاکره قیلیووچی هیات اعضاسی صفتیده تانیتیلگن. او میدیالردن بیری بیلن اوتکزگن صحبتیده، سیاسی حزب‌لردن بیرقطاری طالبان گروهی بیلن مستقیم شکلده مذاکره قیلگن و دستلبکی نتیجه‌گه قول تاپگن.
جناب حکمتیارنینگ ایتیشیچه، جمهورلیک ریاستی، مذاکره قیلیووچی هیات نینگ تعیین‌لنیشی خصوصیده بیر قطار سیاسی حزب‌لر بیلن مصلحت قیلمه‌گن. اونینگ ایتیشیچه، طالبان و سیاسی حزب‌لر سوزلشوولر نینگ زمان و مکانی خصوصیده صحبت قیلگن.
شونینگدیک، نیچه پیت آلدین اسلامی جمعیت حزبی بیر اعلامیه آرقه‌لی، اوشبو حزب رهبرلیگی حکومت آدرسیدن تینچلیک سوزلشوولرده اشتراک قیلمه‌یشی‌نی بیلدیرگن ایدی.
اسلامی جمعیت حزبی نینگ اعلامیه‌سیگه کوره، اوشبو حزب رهبرنینگ ملی مصالحه کینگشی‌گه اعضا بولیش خصوصیده، حزب بیلن مصحلت قیلینمه‌گن و انه‌شوو سبب، اشتراک قیلمه‌یدی.
