حامده صافی، ژورنالیست فاکولته‌سینی بیتتیرگن و قیسقه مدت‌دن بویان کابل شهریده افغانستان‌ده ایشلب چیقاریله‌دیگن ملی کییم‌لر دوکانی‌نی آچگن.
خانم صافی‌نینگ ایتیشیچه، آز سرمایه بیلن سوداگرلیک‌که باشله‌گن و بو ایشی‌دن مقصد، مملکت مدنیتی‌نی سقلش اوچون افغانستان ملی کییم‌لرینی رواجلنتیریش دیر.
خانم صافی تامانیدن توزه‌لگن دوکان جوده هم کیچیک و بو دوکان‌ده 5 عیال ملی کییم تیکه‌دی. اونینگ ایتیشیچه، باشیده‌گی بار توشینچه‌سی جوده هم کته، بیراق اولرنی عمل‌گه آشیریش اوچون حاضر ییترلیچه پول‌گه ایگه ایمس.
خانم صافی‌گه کوره، افغانستان ملی کییم‌لریگه عیال‌لر جوده هم قیزیقه‌دیلر، بیراق بو کییم‌لر قیمتی یوقاری بولگنی سبب، عیال‌لر آز ساتیب آله‌دیلر. اونینگ ایتیشیچه، مشتری‌لریدن کوپینچه‌سینی ایشی بولگن عیال‌لر تشکیل بیره‌دیلر.
خانم صافی، مملکت‌نینگ حاضرگی وضعیتی‌ده سرمایه یاتقزیش‌نی قیین توشینیب ایتیشیچه، دولت سوداگر عیال‌لرگه هیچ قنده‌ی یاردم بیرمه‌یدی.
اوشبو عیال‌نینگ ایتیشیچه، باشقه عیال‌لرنی هم ایش بیلن تأمین‌لب و بو بولیم‌ده فنی شکلده تربیه‌لش نیتی‌ده بولگن.
خانم صافی‌نینگ دوکانی‌ده ایپک شال‌لر، کییم‌لر، کرتی‌لر، چپن‌لر و باشقه افغانستان‌گه تیگیشلی تورلی ملی کییم‌لر ساتیله‌دی.
اوشبو سوداگر عیال، کیله‌جک‌لرده ایشی رونق تاپیشی و اهالی پاکستان‌لیک، هندی‌لیک و ترکیه‌لیک کییم‌لر اورنی‌ده مملکت ملی کییم‌لریدن فایده‌لنیش آرزوسیده بولگن.
