اوتگن کون ملی بیرگه لیک حکومت اجرایی رییسی عبدالله عبدالله وزیرلر کینگش اولتیریشیده جهادی رهبرلر سوزلریگه قرشیلیک کورستیب، ملی حکومت کابینه سی یوزه گه کیلیش توغری سیده ینگی حکومت جهادیلردن منت‌دارچیلیک بیلدیره دی و اولرنی ایسدن چیقارمه گن دیدی.
اما ملی بیرگه لیک حکومت اجرایی رییسی« اوتگن کونگی رییس و وزیرلر بوگون آلدینگی موفق لرینی قولدن بیرگنلر، جهاد دن حمایت بولمه دی دیگن فکرده بولمه سینلر.»
اجرایی رییس جهادی رهبرلر نباید ایشلرگه قول اورسه لرکیله سی وضعیت یمان بولیشیگه سبب بولسه دیب هشدار بیردی.
اوتگن کون جهادی رهبرلردن عبدالرب رسول سیاف و محمد اسماعیل خان افغانستاندن شوری قوشونی نینگ چیقیش کونی نی کوتیب آلیش مراسمیده، جهادیلرنی کوزدن چیقاریلگن دیب انتقاد قیلگن ایدیلر. سیاف جنابلری یقین پیتده جهادیلر بیر چتر آستیده کیلیشیب، اولکه سیاسی وضع اوچون بویوک تصمیم آلیشلری ممکن دیگن ایدی.
سیاف جنابلری جهادیلرنی سیاست دن چیتلنیشی اولکه تینچلیک و ثباتی اوچون تهدید بیله دی و جهادیلرگه قرشیلیک کورسه تیش بیر تعداد جاسوسلر ایشی دیب بیله دی. دیمک سیاف جنابلری افغانستان تشقی سیاستلر اوزگریشی توغری سیده انتقاد قیلدی و ملی و بویوک سیاستلر اوچون باید خلق مصلحتی گه رجوع بولسه دیدی.
موندن آلدین محمد اسماعیل خان هم ملی بیرگه لیک حکومتی نینگ ینگی کابینه سیده جهادیلرنی بولمه گنلیگی اوچون انتقاد قیلگن ایدی. بوسوزلر توغری سیده اجرایی رییس جهاد قیلیش معیاری وزارت اوچون ایمس دیدی.
