اجراییه ریاستی ایکینچی اورین باسری محمد محقق‌نینگ، اوتکن کیچه، جمهورلیک سرایی دروازه‌سی اونگیده توپلنگن ناراضچیلر توغری‌سیده ایتیشیچه، بو کیشی‌لر خلق نینگ حقیقی نماینده‌لری ایمس؛ خلق نینگ حقیقی نماینده‌لری سیلاولرگه اشتراک ایتیب و رهبرلریگه آوازبیرگن‌لر. اجراییه ریاستی‌نینگ ایکینچی اورین باسری سوزلری جریانیده، ناراضچیلرنینگ رهبرلریگه اشاره قیلیب ایتیشیچه، اوشبو رهبرلر اوتکن جمهورلیک ریاستی سیلاویده مغلوب بولگن سیاسی شخصیت‌لر دیر و حاضر ملی بیرلیک حکومتی‌نینگ قیین‌چیلیک‌که دوچ کیلتیریش خصوصیده سعی و حرکت قیله‌دی.
اوتکن کون 20- عقرب غزنی ولایتی یشاوچیلریدن 7 ته‌سی‌نینگ باشی کیسیلگنی‌گه قرشی ناراضیلیک بیلدیرگن‌لردن مینگ‌لرچه‌سی جمهورلیک سرایی اونگیده توپله‌نیب و ملی بیرلیک حکومت باشلیغ‌لریدن عدالت سوره‌گن‌لر. جناب محقق‌نینگ سوزلری و ملی بیرلیک حکومت سیاست‌لری اینیقسه جمهور رییس غنی‌دن آچیق صورتده حمایه ایتگنی‌دن کیین، اجتماعی ترماغلر ایشلاوچیلریدن کوپینچه‌سی و شونینگ‌دیک مملکت یشاوچیلری جناب محقق‌نینگ شخصیتی‌گه هجوم قیلیب و اوندن جدی شکلده تنقید قیلگن‌لر.
اوتکن کون واقعه‌لری اساسیده، خلق فکریگه نیچه اساسی سوراق توغیلگن؛ آیا جناب محقق یشاوچیلر ناراضلیگی‌گه هجوم قیلگن چاغیده، سیاسی کیله‌جکی و عمومی آواز- کمیده قومی آوازنی قولدن بیریشی‌دن قورقمس‌دی می؟ آیا خلق باشقه قومی و سیاسی رهبرلریگه ایشانه‌دی می؟ بوتون صورتده، آیا جماعه استه سیکین سنتی رهبرلردن اوزاقلشده می؟
افغانستان منطقه‌لیک مطالعه‌لر مرکزی باشلیغی و سیاسی ایش بیلرمان غفور لیوال، سلام‌وطندار بیلن اوتکزگن صحبتیده، مملکت قومی و سیاسی رهبرلری توغری‌سیده ایتیشیچه، افغانستانده، خلق رهبر تعیین‌لش‌گه هیچ قنده‌ی رول اوینمه‌یدی، ایچکی اوروشلر و تشقی اره‌لشوولر بیرقطارلرنی سیاسی اویین‌لرده یوقاری کوترگن و اولردن کاریزماتیک شخصیت و کته رهبر توزه‌تگن. عین حالده، بیر مملکت‌نی حقیقی رهبرلری شایسته‌لیک اساسیده، خلق آوازی و فکرینی جذب ایتیش جریانیده، خلق ایچیده اوز جایینی اثبات‌له‌یدی.
جناب لیوال ایشانچی‌گه کوره، حاضرگچه افغانستانده حقیقی رهبر چیقمه‌گن و حاضرگی رهبرلر خلق‌نی الدب و سیاسی اویین‌لرده خلق فکریگه نفوذ قیلگن. جناب لیوال‌گه کوره، حاضرگی رهبرلر ایریم مسله‌لرده قوم و سمت‌گه باغله‌نیب مقصدلریگه ایریشه‌دی. مملکت سیاسی و قومی باشلیغ‌لری، خلق قورقینچ‌لری باعث، سیلاولرده یوتوققه ایریشه‌دی. اولر خلق‌نی قورقیتیش اوچون چیگل اسکونه بولیب قالگن.
اوشبو سیاسی ایش بیلرمان، قومی رهبرلر قدرت‌گه ایریشگنی‌دن کیین تیزلیک‌ده اوزگریش دلیلی‌نی، اولرنینگ اخلاقی منفعت ایزله‌شیگه دیب بیله‌دی. سیاسی ایش بیلرمان‌گه کوره، خلق‌نینگ سیاسی فکری یوکسلیشی‌گه قدر، قومی رهبرلر چهره‌سیدن نقاب آلیش قیین دیر.
شونینگ‌دیک، بیلیم یورت استادی زهرا لطفی‌نینگ، سنتی رهبرلر دورانی توگه‌گنی توغری‌سیده سلام وطندارگه ایتیشیچه، افغانستان یاشلری و اوسمیرلری ینگی ارزشلر بیلن بیرگه بولیب و رهبرلریدن باشقه سیاسی ایسته‌کلری بار. خانم لطفی‌نینگ ایتیشیچه، افغانستان یاشلری باشقه اوروش و جهاد رهبرلری‌نی ایستمه‌ی و اوزلرینی اولرگه بیگانه دیب بیله‌دی. ینگی نسل ایسته‌کلری عصری بولگن و بونگه ییتیشیش اوچون عصری و مدنی طریقه‌لردن فایده‌لنه‌دی.
اوشبو بیلیم یورت استادی‌نینگ کوپه‌یتیریشیچه، اوتکن کون باشکینت‌ده اوتکزیلگن ناراضیلیک‌که قره‌گنده، خلق سنتی ارزشلردن اوتیب و باشقه اوزلریگه باغلیق بولمه‌گن رهبرلرنی قبول ایتمه‌یدی.
خانم لطفی‌گه کوره، اوزاق مدت‌لردن بویان خلق قومی رهبرلر ایزینی قوییب یوبارگن و یالغیز قورقینچ‌لر سبب، بیرقطارلر اوشبو سیاسی و قومی رهبرلر اطرافیده توپلنه‌دی.
پارلمان نماینده‌سی و یازووچی داکتر محی‌الدین مهدی‌نینگ ایشانچی‌گه کوره، قومی و سیاسی رهبرلردن بیرقطاری‌گه معلوم توشینچه یوق و هر بیر سیاسی دوره‌گه توشینچه و سیاست‌لری کوتیلمه‌گن حالده ایلنه‌دی. جناب مهدی‌گه کوره، سیاست‌ده هیچ نرسه ثابت ایمس و یالغیز شخصی منفعت اوزگرمه‌یدی. حاضرگی وضعیت‌گه قره گنده، بونده‌ی رهبرلرنینگ سیاسی عمری کم قالگن.
جناب مهدی‌گه کوره، افغانستان قیین‌چیلیک لرینی کوپینچه‌سیگه اوشبو رهبرلر سبب بولگن، قومی و یالغان شعارلری بیلن مملکت‌نی قیین چیلیک‌که دوچ کیلتیرگن. ملمکت ملی مسئله‌سی خصوصیده‌گی قومی حرکت‌لر خلق ایچیده رهبرلر رسوالیگی، ایشانچ‌سیزلیگی و مملکت یشاوچیلری اورته‌سیده اتفاق سیزلیک‌که باعث بولگن.
اجتماعی ایش بیلرمانلر ایشانچی‌گه کوره، 20- عقرب‌ده اوتکزیلگن ناراضیلیک نمایش ملی بیرلیک حکومت باشلیغ‌لری و قومی رهبرلرنینگ سیاسی شخصیتی‌نی اورته‌دن کوتریب و خلق‌دن اولرنی امیدسیز قیلگن.
