سنا کینگشی‌نینگ بیرینچی اورین باسری محمدعلم ایزدیارنینگ ایتیشیچه، رسمی‌لر بامیان ولایتی‌نینگ «دنیا خلاق شهرلری» قطاریده کیریشیدن یخشی شکلی‌ده استفاده قیلسین‌لر.
اوتگن کون بو ولایت بیرلشگن ملت‌لر علمی، فرهنگی و تعلیماتی تشکیلاتی/ یونسکو تامانیدن دنیا خلاق شهرلریدن بیری دیب بیلدیریلدی.
بو ترماغ عضویتی‌گه کیره‌دیگن معیار، بو ولایت تاریخی ایسکرگنی، ایسکی آثارلری، ایسکی مدنیتی و قول صناعتی بارلیگی دیب ایتیلگن.
سنا کینگشی بیرینچی اورین باسری نینگ ایتیشیچه، رسمی‌لر بو فرصتدن استفاده قیلیب بامیان نینگ طالب‌لر دوریده بوزیلگن ایسکی اثرلرینی قیته تیکلش‌گه اولگورسین‌لر.
یونسکو عضوی بولگن دنیا بویلب 33 مملکت‌دن 47 شهر دنیا خلاق شهرلری ترماغی ارا کیلگن، بولردن بامیان آسیا بویلب اینگ خلاق شهر دیب تانیلگن.
اوتمیش‌ده هم بو ولایت جنوبی آسیا منطقه‌یی یاردم‌لیک تشکیلاتی (سارک) نینگ فرهنگلر پایتختی دیگن عنوانی بیلن تنلنگن ایدی.
