سمنگان ولایتی‌نی قطار یشاوچی‌لری و مدنی جماعه اعضالری‌نینگ ادعا قیلیشیچه، مصلحتی لویه جرگه‌ده نماینده تعیین‌لش اوچون اوشبو ولایت هیچ‌بیر بولیمیده سیلاو یولگه قوییلمه‌گن و 24 کیشی بو ولایت محلی مقام‌لری تامانیدن مذکور لویه جرگه‌ده اشتراک قیلیش اوچون تانیتیلگن.
درۀ صوف پایین تومنی یشاوچی‌لریدن بولمیش خلیل ارشد و عبدالاحد نینگ سلام‌وطندارگه ایتیشیچه، بو تومن نینگ قوم بویوک‌لری تامانیدن مصلحتی لویه جرگه‌ده اشتراک قیلیش اوچون یولگه قویله‌دیگن سیلاوده تانیتیلگن ایدی‌لر، بیراق ولایت مقامی و ولایتی کینگش سیلاو یولگه قوییلمسدن 20 دن آرتیق کیشی‌نی نماینده عنوانیده تانیتگن‌لر.
سمنگان ولایتی‌نینگ مدنی فعاللریدن بیری وفیع‌الله شاهرخی نینگ ایتیشیچه، ولایتی کینگش مدنی نهادلر بیلن هماهنک‌لیک قیلمسدن، مصلحتی لویه جرگه‌ده اشتراک قیله‌دیگنلر رویخطی‌نی حکومت‌گه یوبارگن.
سمنگان ولایتیده قطار منبع‌لرنینگ کیم‌لیگی سیر قالیش‌نی ایسته‌ب سلام‌وطندارگه ایتیشیچه، ولایت مقامی، ولایتی کینگش و بو ولایت قطار محلی مسووللری بیر کیلیشوو اساسیگه بیللی کیشی‌لر رویخطی‌نی حکومت‌گه یوبارگنلر.
بیراق، سمنگان ولایتی کینگش اورین باسری محمدهاشم سروری نینگ بو ادعالرنی رد قیلیب ایتیشیچه، اوتگن "چهارشنبه" کونی اوشبو ولایت بوتون تومن‌لریده سیلاو یولگه قوییلدی و 7 عیال شامل 24 کیشی مذکور لویه جرگه‌ده اشتراک قیلیش اوچون حکوت‌گه تانیتیلدی.
بو توغریده سمنگان ولایت مقامی نینگ فکرینی آلیش اوچون سعی و حرکت قیلدیک، بیراق صحبت قیلیش‌گه حاضر بولمه‌دی.
شوتوغریده…
