سمنگان حاکمی اورین باسری صفت‌الله سمنگانی نینگ سلام‌وطندارگه ایتیشیچه، اوشبو ولایت نینگ دره‌صوف بالا تومنیده تاش کومیر کانی‌ده یوز بیرگن پارتلشده هلاک ایتیلگن‌لردن 6 ته‌سی نینگ جسدی قوتقرووچی تیم تامانیدن چیقاریلگن و باشقه 12 جسدنی چیقاریش اوچون سعی و حرکت‌لرنی دوامی بار.
جناب سمنگانی‌گه کوره، اوشبو کان ایشلاوچی‌لریدن باشقه 2 ته‌سی پارتلش جریانیده هلاک ایتیلگن ایدی و بو واقعه‌ده هلاک ایتیلگن‌لرنینگ سانی 20 کیشی‌گه ییتیشگن.
عین‌حالده، دره‌صوف بالا تومنی نینگ ولسوالی سلطان سلطانی نینگ ایتیشیچه، مذکور ایشلاوچی‌لر دایکندی، بلخ و بغلان ولایت‌لری نینگ یشاوچی‌لری ایکن.
دره‌صوف تومنی نینگ ولسوالی‌گه کوره، قوتقرووچی تیم قالگن جسد‌لرنی چیقاریش اوچون سعی و حرکت قیله‌دی.
مذکور پارتلش اوتگن کونی دره‌صوف بالا تومنی نینگ شباشک منطقه‌سیده جایلشگن تاش کومیر کانی‌ده یوز بیرگن ایدی.
