سلام‌وطندارگه ییتیشگن ینگی بیر حجت گه کوره، نماینده‌لر کینگشی سیلاوی‌نینگ نامزدلرینی آره‌سیده کوپینچه آوازنی قولگه کیریتگن «بری قومندان» آتی‌گه شهرت قازانگن حیات‌الله سمنگانی، قتل، ترور، اهالی آره‌سیده ناتینچلیک ایجاد قیلیش و ناقانونی قوراللی کیشی‌لری بارلیک‌که عیبلنگن. حیات‌الله سمنگانی بوندن آلدین، سمنگان ولایتی‌نینگ حضرت‌سلطان تومنی‌نی خوفسیزلیک قومندانی ایدی.
سلام‌وطندارنینگ اختیاریده بولگن حجت اساسیده، حیات‌الله سمنگانی حضرت‌سلطان تومنی‌نینگ خوفسیزلیک قومندانی صفتیده تعیین ایتیلگن چاغیده، مذکور تومن اهالیسی اونگه قرشی اعتراض بیلدیریب و نیچه مرته ایستک‌لرینی سمنگان ولایت مقامی، پولیس قومندانلیگی، امنیتی ییریک اوین باسرلیگی، 707 پامیر ساحه‌وی زون قومندانلیگی و جنایی جرم‌لرگه قرشی کوره‌ش مدیریتی گه یوباریب جناب سمنگانی‌نینگ جنایت‌لری تیرگاو قیلینیشی و مذکور تومن‌نینگ خوفسیزلیک قومندانلیگی مقامی‌دن چیکلنتیریلیشی‌نی طلب قیلگن ایکن‌لر. بیراق، حاضر بو قضیه‌دن نیچه ییل اوتگن و حیات‌الله سمنگانی، سمنگان ولایتیدن نماینده‌لر کینگشی گه یوتوققه ایریشگن نامزدلرنینگ آره‌سیده بیرینچی بولگن و دوسیه‌لری تیکشیریلمه‌گن.
قولگه کیریتیلگن حجت‌دن نقل قیلینیشیچه، سمنگان ولایتی‌نینگ آیبیک شهرینی بویوک‌لریدن حاجی برهان خواجه‌نینگ ادعاقیلیشیچه، کمیده ایکی ییل آلدین، لرغان قیشلاغیده حیات‌الله سمنگانی او و اوغلی‌نینگ جانی گه قصد قیلگن و بو سوءقصد نتیجه‌سیده اوغلی یره‌لنگن.
سمنگان پولیس قومندانلیگی‌نینگ بیرینچی حوزه‌سینی خوفسیزلیک آمریتی‌نینگ مکتوبی‌ده کیلیشیچه، 1396/8/21 تاریخی‌ده کوزه‌تیله‌دیگن کیشی‌لر توغریسیده اولرگه بیر خبر ییتیشگن و اولرنینگ قولگه آلیش اوچون بیش عسکر یوباریلگن، بیراق حیات‌الله سمنگانی‌نینگ آدم‌لری بولگن مذکور کیشی‌لر پولیس کوچلری بیلن آتیشگن و بو آتیشمه نتیجه‌سیده حاجی برهان‌نینگ اوغلی، سمنگانی‌نینگ آدم‌لری تامانیدن یره‌لنگن.
 - Copy 1.jpg)
بیراق موجود حجت‌لرنینگ کورستیشیچه، حیات‌الله سمنگانی نی قولگه آلیب و تیرگاو آستیده آلیش اوچون سمنگان پولیس قومندانی، ولایت مقامی و اوشبو ولایت حربی قارلاوچیلیگی‌نینگ سعی و حرکتی نتیجه‌بیرمه‌گن.
ایبک شهری‌نینگ بویوک‌لریدن برهان خواجه مذکور کیشی نی ایکی اوغلی‌نینگ اولدیریش خصوصیده اقدام قیلیش گه عیبلب ایتیشیچه، منطقه اهالیسی‌نینگ حرکتی بیلن حیات‌الله سمنگانی حاضرگچه قولگه آلینمه‌گن و برچه سعی و حرکتلر نتیجه بیرمه‌گن.
سمنگان اهالیسی‌نینگ خواطرلری دوامی‌ده، اوشبو ولایت حاکمی ملی خوفسیزلیک ریاستی، ولایت مقامی، ولایتی کینگش، پولیس قومندانلیگی و استیناف ریاستی‌دن اوشبو قضیه‌لرنی تیکشیریشی توغریسیده هیأت تعیین قیلگن.
مذکور هیئت‌نینگ گزارشی گه کیلیشیچه: « حکمت‌الله، برهان خواجه و ادعا قیله‌دیگن باشقه کیشی‌لر معلومات کیلتیریش و ادعالرنی اثباتلش اوچون حاضر بولمه‌گنلر. اولر تورلی جلب حجت‌لری بیلن کشفی و خوفسیزلیک اداره‌لر صفتیده پولیس قومندانلیگی، استخبارات مدیریتی، ترورچیلیککه قرشی کوره‌ش مدیریتی و ملی خوفسیزلیک ریاستی عنوانی آستیده مذکور کیشی‌لرنی حاضرلش اوچون تعقیب بولدی، بیراق اِیسلنگنلر مذکور اداره‌لر آرقلی حاضرلنتیریلمه‌دی. نهایتده خوفسیزلیک آمریتی هیأت تامانیدن یوباریلگن مکتوب‌لرگه رقم 1101 تاریخ 1396/8/5 مکتوبی بیلن تفصیلات بیره‌دی، حکمت‌الله ناملی کیشی مملکت دن تشقی سفر قیلگن و حیات‌الله پولیس قومندانلیگی‌نینگ حاضرگی پولیسی و باشقه جلب آستیده‌گی کیشی‌لر اوی و یشه‌یدیگن جای‌لریده موجود بولمه‌ی و قاچیب یورگنلر.»
 - Copy 1.jpg)
هیأت‌نینگ گزارشی گه کوره، عیبلنگن کیشی‌لر برچه‌سی اِیسلنگن اداره‌لر آرقلی معلومات بیریش گه حاضر بولمه‌گن و برهان خواجه‌نینگ معلوماتی و گواه‌لر گواه‌سی‌نینگ ارایه قیلگن معلومات‌لری برهان خواجه‌نینگ ادعاسی نی اثبات‌لنتریشی حسابلنه‌دی.
حیات‌الله نی اقارب‌لری‌نینگ قتلی گه عیبله‌گن حضرت‌سلطان تومنی‌نینگ بویوک‌لریدن جمعه‌رئیس و حاجی خیرمحمدنینگ ایتیشیچه، حیات‌الله سمنگانی نی حضرت‌سلطان پولیس قومندانی صفتیده تعیین ایتیلیشی گه قرشی ایدیلر، بیراق سعی و حرکتلری نتیجه بیرمه‌ی و حاضر او« قاتل‌لردن حمایت قیله‌دی.»
باشقه بیر حجت‌گه کوره، حیات‌الله سمنگانی حضرت سلطان تومنی‌نینگ پولیس قومندانلیگی‌دن چیکلنگنی‌دن سونگ پیکا، راکت، تورت میل کلاشینکوف، بیر میل مکروف تفنگچه، بیر عراده رنجر و باشقه قطار حربی تجهیزات‌نی پولیس قومندانلیگی‌گه تاپشیرمه‌گن.
عین‌حالده، حیات‌الله سمنگانی نماینده‌لر کینگشی سیلاویده سمنگان ولایتیدن اوزنی نامزد قیلیب و سیلاولر ایرکین کمیسیونی تامانیدن اعلان ایتیلگن دستلبکی نتیجه‌ده 9 مینگ‌دن آرتیق آواز قولگه کیلتیریش بیلن موفق بولگن‌لردن جمله‌سیدن دیر.
 - Copy 1.jpg)
سمنگان ولایتی بوییچه سیلاولر شکایت‌لرینی تینگلش کمیسیونی مسووللری، حیات‌الله سمنگانی و اونگه قرشی شکایت‌لرخصوصیده بیللی صورتده معلومات بیرمه‌یدیلر، بیراق سیلاو شکایت‌لری تیکشیریلگنی‌دن سونگ قطار نامزدلر کمیسیون رویخطی‌دن چیقاریلیب و باشقه بیرقطار نامزدلرگه قرشی اخطاریه صادر ایتیلگن و جناب سمنگانی هم اولرجمله‌سیدن بولیشی ممکن.
سمنگان ولایتی بوییچه سیلاولر شکایت‌لرینی تینگلش کمیسیونی باشلیغی اسدالله عظیمی‌نینگ سلام‌وطندارگه ایتیشیچه، گرچند کین‌راق ایش‌گه باشلگن‌لر، بیراق اوشبو دوسیه‌لردن بیرقطاری بیللی زمانده تیکشیریلگن.
بیراق حیات‌الله سمنگانی‌نینگ اوشبو عیبلرنی رد قیلیب ایتیشیچه، شخصی و قومی دشمن‌لیک‌لر باعث، بو دسیسهلر توزه‌تیلگن. جناب سمنگانی‌گه کوره، نماینده‌لر کینگشی سیلاوی لایحه‌سیگه آت‌ی رویخط‌ده بیرمسدن آلدین اختیاریگه بولگن بوتون تجهیزات و قوراللرنی حضرت‌سلطان تومنی‌نینگ پولیس قومندانلیگی‌گه تاپشیرگن.
 - Copy 1.jpg)
بوندن آلدین هم پیشتاز نامزدلردن بیرقطاری‌نینگ تورلی عیب‌لرگه قوللری بولگنی خصوصیده، قطار تحقیقی گزارشلر سلام‌وطنداردن ترقه‌تیلگن ایدی؛ مذکور گزارش‌لردن بیرقطاری‌نینگ لینک‌ینی بو گزارش اداغیده کوره آله‌سیزلر.
بوندن آلدین سلام‌وطنداردن ترقه‌تیلگن گزارشلرگه کوره، فراه ولایتیدن نماینده‌لر کینگشی سیلاوی‌نینگ نامزدی عبدالستار حسینی قتل، زوره‌وانلیک و اوشبو ولایت سابق حاکمی‌گه قرشی سوءقصدگه عیبلنگن و شونینگ‌دیک سرپل ولایتیدن نماینده‌لر کینگشی سیلاوی‌نینگ نامزدی اسدالله ایوبی زوره‌وانلیک و سیلاولرده ساخته‌کارلیک‌که قول اوریش‌گه عیبلنگن ایدی.
شو توغریده…
عبدالستار حسینی؛ سیلاوده یوقاری آواز قولگه کیریتگن؛ لیکن فساد و قتل‌گه عیبلنگن
