سمنگان مرکزی ایبک شهری نینگ کارته‌مجاهد منطقه‌سیده، بیر مسجدگه جای‌لشتیریلگن ماین نینگ پارتله‌شی نتیجه‌سیده، 15 کیشی یره‌لنگن دیر.
سمنگان ولایتی بوییچه ساغلیق‌نی سقلش ریاستی باشلیغی صفری بیات نینگ سلام‌وطندارگه ایتیشیچه، بو واقعه‌ده نماز اوقووچی‌لردن 15 ته‌سی یره‌لنگن دیر و یره‌لنگن‌لردن بیرقطاری نینگ ساغلیق وضعیتی خواطرلنترووچی دیر.
اونینگ کوپه‌یتیریشیچه، مذکور مسجد امامی نینگ ساغلیق وضعیتی خواطرلنترووچی دیر و درمان‌لنیش اوچون بلخ ولایتیده انتقال بیریلگن.
عین‌حالده، سمنگان پولیس قومندانی عبدالله گارد نینگ ایتیشیچه، بو واقعه ده 9 کیشی یره‌لنگن و مذکور ماین طالبان تامانیدن مسجد نینگ مهرابی‌ده جای‌لشتیریلگن ایکن.
سمنگان پولیس قومندانی نینگ کوپه‌یتیریشیچه، طالبان جنگریلری بوندن آلدین مذکور مسجد امامی نینگ حکومت منفعتی‌گه صبحت قیلگنی سبب، آگاه‌لنتیرگن ایکن.
طالبان گروهی حاضرگه‌قدر بوتوغریده فکر بیلدیرمه‌گن.
