د سمنګان د والي مرستیال صفتالله سمنګانی وايي چې د ژغورنې ډلې له پرون راهیسې د ۶ کارګرانو جسدونه د درهصوف بالا د ډبرو سکرو په کان کې موندل شوي دي. د نوموړي په وینا، دوه نور کارګران چې له یاد کان د باندې یې کار کاوه، هم مړه شوي دي.
سمنګانی وايي، په یاد کان کې ۲۰ کارګرانو خپل ژوند له لاسه ورکړی چې د ۱۲ هغو جسدونه لا هم د کان په منځ کې پاتې دي.
د سمنګان د والي مرستیال زیاتوي، د ژغورنې ډله هڅه کوي چې لومړی په کان کې خپور شوی ګاز تخلیه او بیا د کارګرانو جسدونه را وباسي.
د درهصوف بالا ولسوال سلطان سلطاني وايي، هغه کارګران چې په دغه کان کې کار کوي، د دایکندي، بلخ او بغلان اوسېدونکي دي.
د یادونې ده چې د ډبرو سکرو یو کان پرون ماسپښین د درهصوف بالا ولسوالي په «شباشک» سیمه کې وچاودېد چې له کبله یې په یاده سیمه کې دوه نور کانونه هم راوښویېدل.
د محلي مسوولانو په وینا، د یادې پېښې پر مهال ۲۰ کارګرانو په دغه کان کې کار کاوه.
