.jpg)
سمنت غوری ایش‌خانه‌سینی ایشلاوچی‌لریدن اونلرچه‌سی، ایش‌خانه‌نی مقابلی‌ده توپله‌نیب و بو خصوصی شرکت کمیده 12 ییل جریانیده حقوقلریدن تقاعد سالیغی دیب 5% نی کمه‌یتیرگن پول‌لرینی قیتریب بیریشینی سوره‌گن‌لر.
سمنت غوری ایش‌خانه‌سی‌نینگ ایشلاوچی‌لر بیرلیگی‌نی باشلیغی نثار احمدنینگ ایتیشیچه، ایش‌خانه باشلیغی اولرنینگ آیلیک حقوقلریدن کمه‌یتیرگن پول توپلم شکلده چمه‌سی 3 میلیون دالر بوله‌دی و حاضر کیم‌سه اولرنینگ پولی‌نی بیریش‌گه حاضر ایمس دیر.
اعتراضچی ایشلاوچی‌لردن عبدالصادق و عبدالحق نینگ ایتیشیچه، بو ریاست اولرنینگ حقلرینی بیرگونگه‌قدر اولر سمنت ساتیلیشی گه رخصت بیرمه‌ی و اعتراضلرینی هم کینگه‌یتیره‌دیلر.
.jpg)
بیراق، سمنت غوری ایش‌خانه‌سینی فنی اورین باسری نظرمحمد مموزی‌نینگ ایتیشیچه، ایشلاوچی‌لر پول‌لرینی ایسته‌گن صورتده، ایش‌خانه‌ده ایش‌دن قول تارتیب و اویلریگه کیتگن حالده، تقاعد حقوقی بیریله‌دی.
جناب مموزی گه کوره، سمنت غوری ایش‌خانه‌سینی قیته‌دن دولت گه تاپشیریش مسئله ایمس دیر و بو ایش‌خانه دولتی بولیشی اوچون 1395- ییل‌ده جمهورلیک ریاستی تامانیدن حکم صادر ایتیلگن.
سمنت غوری ایش‌خانه‌سی‌نینگ خصوصی بولیمی‌ده حاضر آلتی یوزدن آرتیق ایشلاوچی فعالیت قیله‌دی.
