افغانستاندن فرضی حج زیارتی اوچون سعودی عربستان بارگن زیارتچی‌لر، سرویس‌لریده تورلی قیین‌چیلیک‌لر موجودلیگی‌دن شکایت قیلیشگن. سونگی کونلر زیارتچی‌لرگه بیریلگن ییگولیک ماده صورت‌لری اجتماعی ترماقلرده قولمه قول بولگن و صورت‌لرده سوییلمه‌گن تاووقلر کورینه‌دی.
حج زیارتچی‌لریدن بیرقطاری، حج و اوقاف وزیرلیگی‌دن تنقید قیلیب ایتیشیچه، دارولش، ترانسپورت و آذیق-آوقت سرویسی جوده هم یامان وضعیت ده بولگن.
اولرگه کوره، نقلیه‌واسطه کم‌لیگی باعث، ایریم پیت‌لر اولر قویاش یاغدوسیده ساعت‌لرچه موتر کوته‌دی و بو قیین‌چیلیک‌لر سعودی عربستانده افغانستان حاجی‌لری کم‌سیتیلگنینی کورسته‌دی.
حج زیارتچی‌لریدن بیری عبدالواسع نینگ ایتیشیچه، سعودی عربستانده افغانستان زیارتچی‌لریگه خاص افغانستان ساغلیک مرکزی، هر بیر کسل‌لیک و کسل گه انتی‌بیوتیب و دردنی کمه‌یتیره‌دیگن دارو بیره‌دی و کسل‌لرگه هیچ دقت قیلینمه‌یدی.
بیراق، سلام‌وطندارگه صحبت بیرگن حج و اوقاف وزیرلیگی نینگ معلومات و علاقه اداره‌سی باشلیغی ناصرالدین دریزنینگ ایتیشیچه، افغانستان حاجی‌لری اوچون تورلی خذمت‌لر نظرگه آلینگن و یالغیز مدنیت‌لر فرقلی بولگنی باعث، ایریم قیین‌چیلیک‌لر یوز بیرگن.
عین حالده، مملکت حج و اوقاف وزیرلیگی نینگ مسؤوللری، سعودی عربستانده افغانستان حاجی‌لری گه یخشی خذمت قیلینیشی اوچون مستقل دفتر ایجاد ایتیلگنیدن خبر بیرگن ایدی.
