د سعودي عربستان پارلمان د دغه هېواد له مسولو وزارتونوغوښتي دي، چې د حج زیات کوونکو له پاره دې لارې او امکانات پراخ کړي.
د ګارډین ورځپاڼې د راپور پر بنسټ د سعودي عربستال پارلمان د دغه هېواد د کابینې له غړیو سره په لیدنه کې د رواکان د حج په مراسمو کې د دغه هېواد د حج وزارت په کړنو نیوکې کړې دي.
د پارلمان غړیو له مسولو چاروکو په جدي ډول غوښتي، چې د حج مراسمو د ګڼې ګوڼې سیمو په اړه دې کره او مسلکي مطالعه وکړي او د ناببره پېښو د رامنځته کېدو مخه دې ونیسي.
دوی له مسوولو چارواکو غوښتي دي، چې د حج زیات کوونکو خدمتونه دې د کمیت او کیفیت له پلوه زیات کړي.
د سعودي عربستان پارلمان د جمرات او منا واټونو د پراخوالي په اړه ټینګار کړی دی.
د سږ کال حج په مراسمو کې د زیاتې ګڼې ګوڼې له امله ۷۶۹ تنه د حج زیات کوونکي مړه شول.
همدا راز د حج مراسمو له پیل څخه څه وخت مخکې د یو جرثقیل په را نسکورېدو سره شاوخوا ۱۰۹ تنه ووژل شول.
له دغو پېښو وروسته د سعودي عربستان شهزاده محمد ابن نایف، د کورنیو چارو وزیر او د حج چارو وزیر د پېښو د څېړلو امر کړی وو، خو تر اوسه پورې په دې اړه قناعت ورکوونکې نتایج لاسته راغلي نه دي.
په ۲۰۱۵ کال کې د نفتي توکو په بیه کې د پام وړ ټیټوالی را منځته شو.
د نړیوالو اقتصادي چارو شنونکي وايي، چې د نفتي توکو بیې کموالي د سعودي عربستان بودیجه ۱۰۰ میلیونو ډالرو کسر سره مخ کړې ده.
اوس یواځېنۍ سرچینه چې د سعودي عربستان له پاره د دې بدیل دی، هغه د حج زیات کوونکو مدیریت کول دي.
سعودي عربستان هر کال شاوخوا له ۱۶ تر ۲۰ میلیونو ډالرو پور د حج زیات کوونکو له سفرتونو تر لاسه کوي.
