سرپل ولایتیدن آتی فاش ایتیلیشی‌نی ایستمه‌گن ایشانچ‌لی بیر منبع نینگ سلام‌وطندارگه ایتیشیچه، کرونا ویروسی گه چلینگن 18 یاشر بیر ییگیت 20 کوندن بویان سرپل ولایتی کسلخانه‌سیده مراقبت آستیده ایکن و بوگون ایرته‌لب کسلخانه دن قاچیب کیتگن.
اوشبو منبع گه کوره، بو ییگیت حاضر طالبان نینگ نظارتی ده بولگن منطقه گه کیتگن.
منبع نینگ کوپه‌یتیریشیچه، بو کسل ایران گه سفر قیلگن ایکن و تیزلیک‌که کسلخانه گه قیتریلمه‌گن صورتده، باشقه‌لرنی هم بو ویروس گه بولغه‌شی ممکن.
افغانستانده کرونا ویروسی گه چلینگن‌لرنینگ سانی 714 کیشی گه ییتیشدی. بو جمله‌دن حاضرگه‌قدر 23 ته‌سی جان بیرگن و باشقه 40 ته‌سی یخشی بولگن.
