سرپل ولایت کینگشی نینگ اعضالریدن بیرقطاری، مذکور ولایت نینگ کوهستانات تومنیده اونلرچه چیت‌ایللیک عایله جایلشگنیدن خبر بیرگن.
اولرنینگ ایتیشیچه، ینگی‌لیک‌ده اوزبیکستانلیک، تاجیکستانلیک و چچین‌لیک کمیده 40 عایله کوهستانات تومنی گه کیلیشگن و بولر طالبان گروهی گه حربی و دینی بولیم‌لر خصوصیده تعلیمات بیریشه‌دی.
سرپل ولایت کینگشی اعضالریدن بیری اسدالله خرم نینگ ایتیشیچه، اوشبو اوزبیکستانلیک، تاجیکستانلیک و چچین‌لیک‌لر طالبان گروهی نینگ قومندانلرینی داعش گروهی گه چقیره‌دیلر.
اونینگ کوپه‌یتیریشیچه، حاضر کوهستانات تومنی طالبان گروهی نینگ نظارتی‌ده دیر و بو ایش آلدی آلینمه‌گن صورتده، بو تومن داعش گروهی نینگ باش‌پناهی گه اوزگریشی ممکن.
مذکور کینگش اعضالریدن باشقه بیری سیداسدالله دانش، کوهستانات تومنیده طالبان گروهی نینگ بیرقی داعش گروهی نینگ بیرقی گه اوزگرگنینی بیلدیریب آگاه‌لنتیریشیچه، دولت بو توغریده تیزلیک‌که چاره تدبیر کورمه‌گن صورتده، بو کیشی‌لر بوتون افغانستان اوچون کته تهدید بوله‌دی.
طالبان گروهی نینگ سوزلاوچی‌لریدن بیری قاری یوسف احمدی، سرپل ولایتی نینگ کوهستانات تومنیده اوزبیکستانلیک، تاجیکستانلیک و چچین‌لیک فقرا بولگنینی رد قیله‌دی.
بیراق، سرپل حاکمی نینگ سوزلاوچیسی ذبیح‌الله امانی، کوهستانات تومنیده چیت‌ایللیک عایله‌لرنینگ حضورینی تصدیقلیدی. اونینگ ایتیشیچه، بو کیشی‌لرنینگ توشونچه‌سی و حرکتی داعشی‌لر کبی بولگن.
سرپل مملکت شمالی‌ده ناتینچ ولایت‌لردن بیری سنله‌دی و بو ولایت نینگ کوپینچه قسمت‌لریده طالبان گروهی کینگ شکلده فعالیت قیله‌دی.
شونینگدیک، بوندن آلدین سلام‌وطندار میدیا ترماغی، سرپل ده چیت‌ایللیک مصلحتچی‌لرنینگ حضوریده طالبان گروهی کمیده 14 حربی قرارگاه ایجاد قیلگنی توغریسیده گزارش بیرگن ایدی.
سرپل‌ده محلی منبع‌لرنینگ ایتیشیچه، طالبان گروهی بو قرارگاه‌لرده اوز جنگریلری گه حربی فعالیت‌لر قنده‌یلیگی و ماین توزه‌تیشنی اورگته‌دی و بو قرارگاه‌لر مذکور گروه نینگ اوزبیکستانلیک و پاکستانلیک مصلحتچی‌لری تامانیدن رهبرلیک قیلینه‌دی.
شو توغریده…
سرپل ده طالبان یوک و یوللاوچی تاشیووچی موترلردن باج آله‌دی
