مملکت شمالی‌ده جایلشگن سرپل ولایتی نینگ محلی امنیتی مسووللری، ولایت‌ده داعش و طالبان اورته‌سیده قرمه – قرشیلیک اوج آلگن لیگی باره‌سیده خبر بیردیلر. ولایت‌ده‌گی جنگری طالبان داعش‌گه ضد جهاد اعلان قیلگن لیگی ایتیله‌دی.
سرپل ولایتی والیسی نینگ سوزلاووچیسی ذبیح‌الله امانی سلام‌وطندارگه بیرگن صحبتی‌ده، طالبلر بو خصوصد‌ه‌گی قرارنی حرکت نینگ یوقاری مرتبه‌لی رسمیلری اشتراکیده اوتکزیلگن ییغین‌ده آلگنلر دیدی.
شونینگدیک جناب امانی، هر پیت‌دن کوره حاضرگی کونلرده بو ایکّی جنگری حرکت اورته‌سیده قرمه-قرشیلیک میزانی آشگن دیگن.
عصیانچی طالبلرنینگ بیر قوماندانی جنگری داعش اعضاسی تامانیدن اولدیریلگن‌دن کیین بو ایکّی گروه اورته‌سیده ضدیتلر اوج آلگن دیدی ولایت والیسی نینگ سوزلاووچیسی.
عین حالده، بوندن نیچه کون آلدین جنگری طالبان نینگ فاریاب، جوزجان و سرپل ولایتلریده‌گی اعضالری داعش‌گه بیعت قیلگن ایدی.
