سلام‌وطندارگه صحبت بیرگن سرپل ولایتی کینگش باشلیغی محمدنور رحمانی‌نینگ ایتیشیچه، اوتگن کیچه قوراللی طالبلر آغیر و یینگیل قوراللر بیلن سرپل‌نینگ صیاد تومنی اوستیگه هجوم قیلگن‌لر.
اونینگ ایتیشیچه، آتیشمه نتیجه‌سیده امنیتی کوچلردن 21 ته‌سی هلاک ایتیلیب و باشقه 26 ته‌سی یره‌لنگن.
رحمانی نینگ آگاه‌لنتیریشیچه، تیزلیک‌که کمکی کوچلر بو تومن گه یوباریلمه‌گن صورتده، صیاد تومنی طالبلر قولیگه سقوط قیلیب و باشقه قطار تومن‌لرهم سقوط قیلیش خطری بیلن دوچ کیله‌دی.
سرپل حاکمی‌نی سوزلاوچیسی ذبیح‌الله امانی‌نینگ بو خبرنی تصدیق‌لب ایتیشیچه، آتیشمه نتیجه‌سیده ایکی طرف تلفات کورگن.
سرپل ولایتی کسلخانه‌سیدن کیم‌لیگی سیر قالیش‌نی ایسته‌گن بیر منبع‌نینگ سلام‌وطندارگه ایتیشیچه، اوشبو واقعه گه هلاک ایتیلگنلردن 21 کیشی و یره‌لنگنلردن 23 کیشی بو کسلخانه گه انتقال بیریلگن.
منبع گه کوره، صیا محلی پولیس قومندانی و سرپل پولیس قومندانی هلاک ایتیلگنلر جمله‌سیدن دیر.
طالبان گروهی حاضرگه‌قدر بو توغریده صحبت قیلمه‌گن.
