د سرپل د ولایتي شورا غړی اسدالله خرم سلاموطندار ته وویل چې د دغه ولایت په سانچارک ولسوالي کې د طالبانو ډېری جلبوجذب د جوماتونو له لارې کېږي.
د نوموړي په وینا، که د طالبانو د جلبوجذب مخه و نه نیول شي، دا ډله د خلکو له مجبوریته ناسمه ګټه اخلي او ډېر کسان به خپلو لیکو ته جذب کړي.
خرم زیاتوي، له یوې اوونۍ راهیسې د سانچارک ولسوالي په بېلابېلو برخو کې نښتې سختې شوي او د ولسوالي مرکز له څلورو خواوو طالبانو کلابند کړی دی.
په همدې حال کې د سانچارک ولسوالي یو شمېر اوسېدونکي چې تازه د دغه ولایت مرکز ته راغلي وايي، طالبانو له ځوانانو غوښتي چې د دولت پروړاندې جهاد لپاره د دوی لیکو ته ورشي.
اړوند مطالب:
وسلهوالې ډلې د جنګ له قربانيشویو کورنیو جلبجذب کوي
داعشیان پروان کې د سرتېرو جلبولو هڅه کوي
د غزني پوهنتون د ترهګرو د جلب او جذب مرکز دی
د سانچارک ولسوالي یو اوسېدونکی عبدالکریم وايي، طالبان خلکو ته وايي، که ورسره یوځای شي، نه یوازې وسله، بلکې د میاشتې به ۱۰ زره افغانۍ هم ورکړي.
بلهخوا د سرپل د والي ویاند ذبېحالله اماني هم مني چې طالبانو د خلکو په منځ کې د خپلې ډلې لپاره جلبوجذب کوي.
خو د طالب ډلې ویاند قاري یوسف احمدي خپلې ډلې ته د ځوانانو د جذب موضوع ردوي او وايي، خلک په خپله خوښه ورسره همکاري کوي.
