سرپل ولایتی‌نینگ سانچارک تومنی‌نی ولسوالی نقیب‌الله دقیق‌نینگ سلام‌وطندارگه ایتیشیچه، مسجدسبز و توپخانه قیشلاقلریده یوز بیرگن اوروش‌لر نتیجه‌سیده، 10 مینگ عایله آواره بولگن.
اونینگ ایتیشیچه، آواره‌لر آچیق فضا و جاده‌لر کناریده یمان وضعیت‌ده حیات کیچیره‌دی‌لر.
دقیق نینگ کوپه‌یتیریشیچه، طالبان گروهی گجوا قیشلاغی‌نی تصرف قیلگنی‌دن سونگ، امنیتی کوچلر پوسته‌لرینی اوتگه تارتیب و قتناو یول‌لرده ماین جای‌لشتیرگن. اونینگ ایتیشیچه، محلی پولیس کوچلریدن 200 ته‌سی طالبلر قمراویگه قالگن.
سانچارک ولسوالی‌نینگ ایتیشیچه، 1 مینگ‌دن آرتیق طالب حربی تجهیزات‌لربیلن تجهیزلنیب و بو تومنی تصرف قیلیشی اوچون تیارگرلیک آلماقده.
عین‌حالده، سرپل ولایتی کینگش اعضاسی اسدالله خرم نینگ سلام‌وطندارگه ایتیشیچه، بو تومن خصوصیده حکومت دقت سیزلیک قیلگن حالده، 6 مینگ عایله‌نینگ اولیم خطری بیلن روپه‌ره بولیشی ممکن.
اونینگ کوپه‌یتیریشیچه، سانچارک تومنیده حربی عملیات یولگه قوییلدی، بیراق هیچ‌قندی ایجابی نتیجه بیرمه‌دی.
شوتوغریده…
- دشت‌قلعه اوروشی؛ آواره‌لردن کوپینچه‌سی کسل بولگن
قار و ساووق؛ تخارلیک آواره‌لر خیمه‌ده تیریکچیلیک قیله‌دیلر
عین‌حالده، سرپل حاکمی‌نی سوزلاوچیسی ذبیح‌الله امانی نینگ سانچارک وضعیتی‌دن خواطر بیلدیریب ایتیشیچه، بو تومن‌نینگ قتناو یوللری یاپیلیب قالگن.
امانی نینگ کوپه‌یتیریشیچه، گجوا و توپخانه قیشلاقلریده آتیشمه‌نینگ دوامی بار و اولر امنیتی ادارهلردن کوپراغ حربی یوباریشی‌نی طلب قیلگنلر.
شونینگدیک، 209 شاهین قول اردو قومندانلیگی مسووللری، سرپل مرکزیده کماندو کوچلری‌نینگ یوباریلگنی‌دن خبر بیرگن‌لر.
عین‌حالده، سرپل ولایتی سانچارک تومنی‌دن آوار بولگن‌لردن بیرقطاری بیر اعتراضی حرکت آرقه‌لی سرپل شهری‌نینگ جاده‌لرینی باغله‌گنلر.
آواره‌لرنینگ آگاه‌لنتیریشیچه، حکومت تامانیدن منطقه‌لری طالبلر وجودی‌دن تازه‌لنیب و اولرگه اوی و جای‌لریگه باریش زمینه‌سی یره‌تیلمه‌گن صورتده، اعتراضلریگه دوام بیره‌دیلر.
آواره‌لرنینگ کوپه‌یتیریشیچه، حکومت اولرگه هیچ‌قندی همکارلیک قیلمه‌گن.
سرپل حاکمی‌نی سوزلاوچیسی ذبیح‌الله امانی‌نینگ آواره‌لر ادعالرینی رد قیلیب ایتیشیچه، یاردم بیره‌دیگن اداره‌لر تامانیدن آواره‌لرگه آذیق-اوقات و کمپل توزیع ایتیلگن.
