سلام‌وطندارگه صحبت بیرگن سرپل ولایتی سانچارک تومن ولسوالی‌نینگ ایتیشیچه، طالبان سانچارک تومنی‌نینگ 6 قیشلاقی نی یشاوچیلری‌گه ینگی قانون‌لر تعیین ایتیب و 13 قیزلر مکتبی نی باغله‌گن.
دقیق جنابلری گه کوره، قیزلرنینگ تعلیماتی گه توسیق بولیش یانیده، سقال‌نینگ قوییش، عیال‌لرنینگ بازارلرگه باریشی و یاردمچی اداره‌لردن یاردم آلیش مذکور گروه‌نینگ سانچارک یشاوچیلری‌گه تعین ایتگن ینگی چیکلاوی دیر.
سانچارک ولسوالی‌نینگ ایتیشیچه، مذکور مکتب‌لرده کمیده 2 مینگ قیز اوقوچی تعلیمات بیلن شغلنگن ایکن و بو مکتب‌لرنینگ باغلنیشی بیلن اوقوچی قیزلر تعلیمات‌دن اوزاق قالگن‌لر.
سرپل ولایتی کینگشی‌نینگ اورین باسری سیداسدالله دانش، سانچارک تومنی‌ده طالبان‌نینگ کینگ فعالیتی‌دن خواطر بیلدیریب ایتیشیچه، بو تومن‌نینگ کته بولیمی طالبان‌نینگ اختیاری‌گه دیر.
بیراق سرپل معارفی باشلیغی عبدالغفور سرپلی‌نینگ سلام‌وطندارگه ایتیشیچه، قوم بویوک‌لری‌نینگ اَره‌لشی بیلن مذکور مکتب‌لردن 6 ته‌سی اوقوچی‌لر یوزیگه آچیلگن.
اونگه کوره، طالبان قیزلرگه 6 – صنف گچه اوقیش رخصتی نی بیرگن.
عین حالده، طالبان سوزلاوچی‌لریدن قاری‌یوسف احمدی قیزلر مکتبی‌نینگ باغلنگنی نی رد قیله‌دی.
