سرپل ولایتی نینگ سانچارک تومنی ولسوالی نقیب‌الله دقیق نینگ ایتیشیچه، مذکور تومن نینگ تبر و تغای‌خواجه قیشلاقلریده طالبان گروهی دولتی ییرلرنی اهالی گه جبری شکلده ساتگن.
جناب دقیق گه کوره، طالبان گروهی مذکور قیشلاقلرنی یشاوچیلریدن بو گروه اعضالری اوچون قوریله‌دیگن اویلرگه هم یاردم بیریشلرینی طلب قیلگن.
اونینگ کوپه‌یتیریشیچه، ساتیلگن ییرلر اوتلاق ایکن و طالبان هر 400 متر ییرنی 50 مینگ افغانی اهالی گه ساتگن.
شونینگدیک، سانچارک تومنی نینگ خوفسیزلیک وضعیتی دن خواطر بیلدیرگن سرپل ولایت کینگشی اورین باسری سید اسدالله دانش نینگ ایتیشیچه، قانون حاکم بولمه‌گنی باعث، طالبان هر بیر ایش گه قول اوره‌دی.
سرپل ولایت کینگشی اورین باسری گه کوره، حاضر مذکور تومن نینگ 70% توپراغی طالبان نینگ نظارتی ده دیر.
عین حالده، سرپل حاکمی سوزلاوچیسی ذبیح‌الله امانی نینگ ایتیشیچه، طالبان اهالی نینگ ایکینزارلرینی هم اجاره گه بیرگن.
شونده‌ی بیرحالده، سرپل حاکمی سوزلاوچیسی نینگ ایتیشیچه، مرکزی حکومت رسمی‌لری تیزلیک‌که سانچارک تومنیده طالبان گروهی گه قرشی حربی عملیات یولگه قوییلیشی خصوصیده ایشانچ بیرگن.
طالبان گروهی حاضرگه‌قدر سرپل ولایتی نینگ سانچارک تومنیده دولتی ییرلرنی ساتگن‌لری توغریسیده هیچ نرسه دیمه‌گن.
شو توغریده…
سانچارک تومنی سقوط عره‌فه‌سیده؛ ولسوال آگاه‌لنتیردی
