بوگون «چهارشنبه» فواید عامه وزیرلیگی سالنگ قتناو یوللرینی قیته قوریش ریجه و اساسی تدقیقات شرطنامه‌سی‌نی امضاءله‌دی.
سالنگ قتناو یوللرینی قیته قوریش ریجه و اساسی تدقیقات پروژه‌سی پروان ولایتیدن باشله‌نیب و بغلان ولایتی گچه دوام قیله‌دی. اوشبو 86 کیلومترلیک قتناو یول 5.7 میلیون دالردن کوپراق ارزشی گه 12 آی جریانیده دنیا بانکی‌نینگ مالی یاردمی بیلن قیته قوریله‌دی.
بونگه قوشیمچه، فواید عامه وزیرلیگی باشقه ایکی شرطنامه‌نی هم امضاءله‌گن و بو پروژه‌لرگه بغلان ولایتیده 16 میلیون افغانی ارزشی گه 33 متر اوزونلیگی و 1.5 متر یینیلیگی بولگن یوچ کوپریکی قوریلیشی و شونینگدیک، بدخشان ولایتیده 11 میلیون و 600 مینگ افغانی ارزشی گه 5.9 متر بلندلیگی بولگن 150 متر اوزونلیگی‌ده استنادی دیوار و 10 پایه کوپریکچه قوریلیشی شامل بوله‌دی.
فواید عامه وزیری یما یاری‌نینگ ایشانچی گه کوره، سالنگ قتناو یولی اساسی شکلده دقت قیلینمه‌گنی و بو قتناو یول گه ییتیشه‌دیگن زیانلر تیکشیریلمه‌گنی سبب بولگن، بیراق حاضر اوشبو تیکشیروولر باشلنگن.
جناب یاری‌نینگ کوپه‌یتیریشیچه، اوشبو تدقیقات و تیکشیروو جریانیده، سالنگ قتناو یولی گه بدیل دوشی-بامیان قتناو یولی قوریلیشی اوستیگه ایش قیلینگن و بو پروژه کیله‌جک ایکی ییل‌ده یکونلنه‌دی.
سالنگ قتناو یولی، مملکتده اینگ کته قتناو یول سنله‌دی و اقتصادی و اجتماعی نقطه‌ی نظردن خاص اهمیت گه ایگه بولگن. بو قتناو یول‌دن مملکت‌نینگ 11 شمالی ولایتی ایرکین شکلده فایده‌لنه‌دی.
اوشبو شرطنامه‌لر نیچه وقت آلدین آسیا ترقیات بانکی، سالنگ قتناو یولی تیزلیک‌ده قیته قوریلمه‌گن صورتده، اوندن چیققن سلبی نتیجه‌لر جبران ایتیلمه‌سی توغریسیده، آگاه‌لنتیرگن بیرچاغده امضاءلنگن.
