اوشبو آی سونگی کونلریدن باشلب، حاجیلرنینگ بیرینچی اوچیشی کابل و هرات هوایی قونلغه میدان‌لریدن جده‌گه باشلنه‌دی.
حج و اوقاف وزیری مصلحت‌چیسی محراب دانش‌نینگ سلام‌وطنداربیلن اوتکزگن خاص صحبتی‌ده ایتیشیچه، حوزه‌لرده برچه تیارگرلیک‌لر آلینگن و حاجیلرنینگ انتقال بیریش لایحه‌سی تعیین‌لنگن زمانده باشلنه‌دی.
جناب دانش‌نینگ ایتیشیچه، حج و اوقاف وزیرلیگی، سفر جریانیده زیارتچی‌لرگه یاردم بیریش و ساغلیک خذمت‌لری اوچون، ساغچی تیرمه جماعه و اورگه تووچیلرنی تعیین قیلگن.
عین حالده، آریانا هوایی شرکت اداری باشلیغی محمدعمر مستورنینگ سلام‌وطندارگه ایتیشیچه، حج زیارتچی‌لری‌نینگ انتقال بیریش برنامه دقیق صورتده ریجه‌لنگن و بو شرکت بیرینچی اوچیش‌لرینی 28- اسد کابل و هرات هوایی قونلغه میدان‌لریدن باشله‌یدی و بولردن کیین کندهار و مزارشریف هوایی قونلغه میدان‌لریدن باشله‌شی ممکن.
جناب مستورنینگ کوپه‌یتیریشیچه، اولر اوچیش‌لرنی عمل‌گه آشیریش اوچون یخشی صورتده، تیارگرلیک آلگن و احتمالی قیینچی‌لیک‌لر اوچون ییچیم یول‌لرنی کوزگه توتکن‌لر.
افغانستان‌نینگ حج سهمیه‌سی جاری ییل‌ده، 24 مینگ کیشی ایکن و حج و اوقاف وزیرلیگی رسمی‌لری نینگ ایتیشیچه، حاجی‌لر اوچون اوچ وقت‌نان، جای و ایرکین صورتده حج مراسمی‌گه انتقال بیریش قولی‌لیک‌لری تیارلنگن.
اوتکن ییل‌لرده حج زیارتچی‌لری‌نینگ انتقال بیریش و حاجی‌لرنی قیتیریش کوپینچه تنقیدلرگه روپه‌ره بولگن ایدی، معیاری امکانات بولمس‌لیگی، خرجت بلندلیگی و احتمالی قیینچی‌لیک‌لرگه ییتیشمس‌لیک، زیارتچی‌لرنینگ اساسی قیینچی‌لیک‌لریدن حساب‌لنر ایدی.
