.jpg)
ایش سیزلیک (تیکین ایشلش) زمانوی قُللیک سنه‌له‌دی. بو جریان کیشی قرضینی تولمه‌گونگه قدر دوام ایته‌دی. زمانوی قُللیک نینگ مثالینی کینگ کولمده ییر کره‌سیده کوریش ممکن.
بیر ایشلاووچی مجبور بولگن بیر وقت قرضینی تولش اوچون ایشینی وسیله قیلیش بیلن قُللیککه تَن بیره‌دی. اما، افغانستان‌ده‌گی مجبوری محنت باشقه دولتلرگه قرهگنده بیر آز قیین دیر.
ایرکک سالارلیک جمعیت‌ده قیین‌چیلیک بیلن ایش ایگه‌سی بوله دیگن عیاللر قشاقلیک و یوقسیللیک سبب مجبوری محنت‌گه بیریله‌دی.
شیما و کبرا اقتصادی قیین چیلیکلر باعث قول صنعتی ایشلب چیقاره دیگن ایشخانه‌لردن بیریده اینگ آز معاشده ایش بیلن شغللنه‌دی. بولر ایشخانه مسووللریدن قولگه کیریتگن پول مقابلیده، ایرتلب‌دن کیچگچه ایشلب قرض اوزیشگه مجبور.
.jpg)
شیما فقط 20 کیشیلیک بیر عایله‌نینگ یالغوز نان بیلن تامین لاووچی خاتین. شیمانینگ تورموش اورتاغی کسللیک بستریده یاتگن. بو خاتین قیین آته‌سیدن میراث قالگن بیر اویده حیات کیچیره‌دی.
بانکدن قرض اوزیش اوچون شیمان نیچه آی آلدین بو ایشخانه رییسی‌دن 200 مینگ آلگن؛ لیکن بو کومک شیمانی بیر چقورچه‌دن ینه بیر چقورگه تشله‌گن.
بو عیال نینگ سوزلریگه قرهگنده، قرضینی بوتونله‌ی تولمه‌گن حالده، ایشخانه نینگ گرویده همان قاله‌ویره‌دی. او، جان و دل بیلن ایشلب قرضینی اوزیش اوچون ایش قیله‌دی. سویک کسللیگی‌گه قره‌مه‌ی مذکور عیال دَم آلیش کونلرده محله‌ده‌گی اوینلرنی تازه‌لش بیلن هم شغللنه‌دی.
شیما امیدنی قولدن بیرمه‌ی کونی کیلیب بوتونله‌ی قرضینی اوزیشنی آرزو قیله‌دی.
بیراق کبرا هم مذکور شرکت ایگه‌سیدن 100 مینگ افغانی قرضدار. او قول صنعتی محصولاتینی کورستووگه قوییش نیتده بو پولنی قرض آلیشگه حرکت قیلگن. لیکن کورگزمه‌دن فایده قیلمه‌ی بوتون بار یوغینی قولدن بیریشگن.
.jpg)
کبرا شرکت ایگه‌سیدن آلگن پولنی معیین وقتده تولش‌گه موفق بولمه‌گن لیگی سبب تیکین‌گه ایشلش اوچون مجبور قیلینگن.
کبرا ایرتلب ساعت 8 دن کیچکی ساعت تورتگچه مذکور قول صنعتی ایشلب چیقاره دیگن ایشخانه‌ده ایش قیلیش‌گه مجبور.
کبرا نینگ اوغلی خانه‌واده نینگ دخل و خرجی دیر. او هم آبدارچی نینگ شاگردی. بو عیال، اوشبو وضعیت باره‌سیده بیرارته گه شکایت قیلیشی هم ممکن ایمس. چونکه او بوندن آرتیق عیاله‌سی قشاقلیککه یوز توتیشنی ایسته‌مه‌یدی.
شیما و کبرا نینگ ایش ایگه‌سی نینگ ایتیشیچه، 20 -25- ته عیال بو ایشخانه‌ده ایش بیلن شغلنه‌دی. بو خاتینلر قرضلرینی اوزیش اوچون تیکین گه ایشلش گه مجبور قیلینگنلر.
قول صنعیتی ایشلب چیقاره دیگن ایشخانه نینگ رییسی شیما و کبرا نینگ بیگارگه آلینگن لیگینی اعتراف قیلیب، بو خاتینلر قرضلرینی بوتونله‌ی اوزمه‌گن حالده، شرکتنی ترک قیلیشلری ممکن ایمس لیگینی بیلدیرگن.
.jpg)
کابل‌ده انسان حق و حقوقلری عیاللر بولیمی نینگ اورین باسری شبنم سیمیا، گروگان آلیش، مجبوری محنت و سوء استعمال قیلیش جرم حسابلنه‌دی دیگن. اساسی قانونگه موافق قرض تولش اوچون کیشینی بیگارگه آلیش کیشیلیک ایرکین لیگی قدریتلریگه ضد دیدی.
اما، افغانستان خاین قیزلر وزیرلیگی نینگ اقتصاد ایشلری بوییچه رییسی ماهرخ یوسفزی شیما و کبران‌نی حمایت قیلیب، مذکور عیاللر وزیرلیک‌دن یاردم سوره‌گن حالده، وزیرلیک بولر قضیه‌سینی تیکشریش اوچون تیار دیگن.
عدلیه وزیرلیگی نینگ سوزلاووچیسی محمدامان الله، اوشبو ایشلاووچیلر بو قیین چیلیکلری حل بولیشی اوچون عدلی و قضایی اداره‌لرگه مراجعه قیلیشلرینی سوره‌گن.
